Ang Dalawang Anino ni Satanas

Symbols

"I'd like you all to meet Andy Madrid, private investigator," pakilala ni Don Carlos sa kanila.

Ang impression na nakuha nina Jules, Hannah at Father Markus sa naka-leather jacket na si Andy ay tila ba tulad ito ng mga karakter sa pelikula na mga hard-boiled na detective stories. Ang beteranong P.I. na buong tapang na lalaban sa krimen at pababagsakin ang crime lord. Hindi man sa kartada ni FPJ o Eddie Garcia, maaaring nasa linya ng isang Lito Legaspi si Andy. Pwedeng bida, pwedeng kontrabida. Ang tiyak niyang katangian ay ang natatangi niyang brusko. A certain roughness ikanga sa Inggles.

"Jules...Hannah...and Father Markus," pakilala naman ng don sa grupo.

Nang kamayan ng tatlo ang private investigator ay hindi sila nagkamali ng akala. May lakas na taglay ang personalidad ni Andy. Magaspang ang palad nito, mahigpit ang grip. At na-sense agad ni Father Markus ang umaangat na kabutihan sa aura ni Andy, bagama't may itinatago itong lihim sa pagkatao na hindi niya maipaliwanag, at isang madilim na hinaharap.

"Nice to meet you, sir," bati ni Hannah, with a smile.

Tumango't ngumiti lang si Andy. Ang impression naman niya sa tatlo ay may pagka-indifference. Isang mukhang nerd na maaaring closet gay, isang rakistang tomboy na may parental issues at isang pari na may regrets. Sa kanyang detective instincts, basa agad ni Andy sa isang tingin pa lamang, ang personalidad nina Jules, Hannah at Father Markus. Sa kanyang isip, sino bang mga kolokoy na karakter na ito?

"Hetong mga litrato," walang paligoy-ligoy na inabot ni Andy ang brown envelope na kinuha ni Jules.

Naupo sila. Nasa loob sila ng isang private room ng isang mamahaling Japanese restaurant sa may Makati. Isang 2 ½ by 4 meters na kuwarto na may kuwadradong mesa sa gitna...at walang upuan. Traditional Japanese. Nakaupo sila sa sahig at may manipis na kutson sa kanilang puwitan. Sa labas, dinig nila ang ingay ng mga nagsisikain mula sa kahoy na partition. Para hindi na sila maistorbo, may mga inorder na si Don Carlos at nang dumating si Andy ay kumpleto na, pati na ang bote ng Johnnie Walker Blue Label.

Nilabas ni Jules ang mga litrato sa envelope, mga 4" x 6" glossy prints at nilatag sa kahoy na mesa. Mga kuha noong isang araw nang sundan ni Andy sa kanyang pick-up truck ang van nina Miguel at kanyang mga kasamang mga Satanista. 

Matapos niyang sundan ang mga ito sa isang bahay na may red gate sa Bangkal, ay sinundan pa niya ang mga ito sa may Sta. Ana, makalampas ng Makati. Doon, sa isang eskinita, pumarada ang itim na van at nagbabaan ang grupo nina Miguel at nakipag-usap sa mga nakatambay sa isang plasa—mga pawang mga ka-edaran nila at tulad din nila, ay may mga parehong tattoo sa katawan. Sa kabutihang palad, dahil mainit ang panahon, ay karamihan sa kanila ay nakahubad ang mga pangitaas. Kaya't ikinasiya ni Andy na makuhanan sila ng mga litrato kung saan litaw ang mga tattoo nila sa katawan, mula sa loob ng kanyang pick-up truck na nakaparada sa malayo.

"Astig ng mga tattoos nila!" bulalas ni Hannah. May ilang tattoo din si Hannah sa katawan, pero hindi tulad ng mga ito.

"Satanic tattoos," usal ni Father Markus.

"For sure," pag-agree ni Jules.

"Satanic tattoos?" nagdikit ang kilay ni Andy habang tinatagayan ang sarili ng whiskey.

"Yes, sir," tango ni Jules.

"So, tell me about it," sabi ni Don Carlos. Inip na siya na mabigyan ng paliwanag.

Inisa-isa ni Jules ang mga litrato. Close-up shot ito ng mga tattoo sa katawan.

"Okay, ito sir, pentagram, ito naman ay inverted cross," turo ni Jules sa mga litrato.

"I know what a pentagram is!" inis na sabi ng don, at dinamay pa ang private investigator, "kahit na si Mr. Madrid alam ang mga 'yan."

Napailing si Andy. Wala siyang interes at pakialam sa mga bagay na ito. Kapag usapang religion o kulto, ilag siya.

"Tell me something about the others," pagtingin ni Don Carlos sa mga litrato. "Hindi ako pamilyar sa iba."

Nagbuntong-hininga si Jules at pinakita ang litrato ng tattoo na nasa likod ng isang lalaki.

"Okay, sir," sabi ni Jules. "Nakikita n'yo itong double cross na may infinity sign sa ilalim? Tawag dito ay Leviathan Cross, or Satan's Cross. Nasa Satanic Bible ito ni Anton LeVay. Originally, gamit ito ng Knights Templar, inadopt lang ni LeVay bilang isa sa mga simbolo ng Church of Satan."

Ang double cross ay may isang vertical line at dalawang horizontal line at sa ilalim ay ang infinity symbol or double loop.

"'Di ba isang dimonyo din si Leviathan?" tanong ni Hannah.

"Yes," sagot ni Jules. "'Ang Leviathan Cross ay simbolo ng depth. 'Yung dalawang horizontal ng cross ay nagsisimbolo din ng free choice. Paniniwala ni Anton Levay na ang tao daw ay sarili niyang centrum of balance and truth."

"Ano naman ang isang ito," turo ni Don Carlos sa pentagram na may imahen ng kambing sa gitna.

"Sigil of Baphomet," si Father Markus ang sumagot. "After kay Baphomet, isang demon na winoworship ng Knights Templar. Tawag din ng mga Satanista kay Baphomet ay the Goat of Mendes. 'Yung mga Hebrew letters na nasa paligid ng star ay nangangahulugan na abyss at hidden truth."

Napatingin sina Jules at Hannah kay Father Markus.

"Yes, nag-research din ako," ngiti ng pari.

Napapailing lang si Andy sa likuran habang patuloy ang pag-inom ng whiskey. Kung maaari lang ay gusto na niyang magpaalam na umalis, pero, aniya sa sarili, sayang ang Johnnie Walker Blue.

"So, you mean, kung ano mang grupo ng mga Satanista sumali si Miguel," sabi ni Don Carlos. "Itong si Baphomet ang winoworship nila?"

"Well, common symbol naman itong Sigil of Baphomet, gamit widely ng Church of Satan," inform ni Jules. "And looking sa mga tattoo sa pictures, mukhang puro common Satanic symbols lang sila, ang kailangan nating hanapin ay kung may sariling symbol ang grupo nila."

"Sariling symbol?" pagtataka ni Don Carlos.

"Sus," sarcastic na singit ni Andy. "May baligtad kang cross na tattoo, ano pa bang hahanapin mo? Pare-pareho lang 'yang mga Satanista."           

Sabay inom siya ng whiskey. Si Hannah ay sumisimple ng kain ng gyoza.

"Actually, sir," baling ni Jules kay Andy. "Originally, ang inverted cross ay hindi simbolo ng mga Satanista kundi ito ay cross ni St. Peter na crinucify na pabaligtad. Simbolo pa nga ito ng humility dahil ayaw ni St. Peter na ipako siya tulad ni Jesus Christ."

"So ibig mong sabihin, ni-request pa niyang ipako siya nang patiwarik?" pagtataka ni Andy.

"Yes, mismo," malumanay na sabi ni Father Markus.

"Ginawa lang simbolo ng mga Satanista," dagdag ni Hannah. "Siyempre, anything na reverse ibig sabihin ay kontra, 'di ba?"

Natahimik si Andy nang makitang nakatingin sa kanya ang lahat.

"Anyaway," sabi ni Don Carlos at tumingin kay Jules. "Let's get back sa sinasabi mong sariling symbol..."

"Yes, as I was saying..." umpisa ni Jules.

Nagulat sila nang biglang tumayo si Andy at walang anu-ano'y kinuha ang mga litrato at tila pinagpilian ang mga ito. May litrato siya na hinahanap, at kanya itong nakita at nilapag mag-isa sa mesa.

"Ito ang hinahanap n'yong simbolo," sabi ni Andy.

Litrato ito ng isang lalaki na naka-jacket na sleeveless at labas ang braso na may mga tattoo—pentagrams, 666 at inverted cross, na nakita na ng iba.

"Eh, sir, nakita na namin 'yan," pagkamot sa ulo ni Hannah. "Yan din 'yung mga..."

"Mali kayo ng tinitignan," sabi ng private investigator. "Ang hinahanap n'yo ay hindi tattoo kundi tatak sa kanilang mga damit."

"What are you saying?" pagtataka ni Don Carlos.

"'Yung jacket..." turo ni Father Markus.

Sa jacket ng lalaki sa litrato ay may patch—at ang patch ay isang simbolo. Isang inverted cross at ang horizontal line ay nakadugtong sa isang pabilog na guhit na nakaikot sa cross at ang dulo nito ay arrow.

Agad na tinignan nina Jules, Hannah, Father Markus at Don Carlos ang ibang mga litrato at tama ang private investigator, ang patch ay nasa kasuotan ng mga lalaki—bukod sa jacket, nasa hoodies, jeans, cap, sapatos at bag. At kay Miguel, ang patch ay nasa sleeve ng kanyang itim na jacket.

Namangha sila. Si Andy ay kaswal na bumalik sa kanyang puwesto at nagtagay muli ng whiskey.

"Galing n'yo, sir!" sabi sa kanya ni Jules.

"Kulto ba hanap n'yo?" balik ni Andy. "Para sa akin, isang gang lang 'yan ng mga delingkwente."

Tinitignan pa ni Don Carlos ang isang litrato—ang patch.

"Anong interpretation n'yo sa symbol na ito?" tanong niya.

"Well, inverted cross at yung nakapaikot na bilog na may arrow sa dulo eh malamang na buntot ng dimonyo," suggest ni Jules. "Malamang 'yan ang symbol ng Satanic group nila, at gamit nila 'yan para ma-distinguish sila sa ibang grupo ng mga Satanista."

"So, what do we do now?" tingin sa kanila ng don.

"Well," nag-iisip si Jules ng sasabihin.

"Mabuti pa, sir," singit ni Andy. "Patuloy ko muna ang surveillance ko. Hahanapin ko pa ang ibang hideouts ng gang na ito."

Gustong umalma ni Jules sa pag-refer ng private investigator na gang lang ang grupo, pero, hinayaan na lamang niya.

"Yes, better nga," pag-agree ni Don Carlos, at bumaling sa grupo nina Jules. "After all, may preparation pa kayo for the...you know."

Tumango ang tatlo. Gets nila na ang exorcism ang tinutukoy ng don na obviously hindi niya sinabi sa private investigator.

"Yes," tango ni Father Markus. "Personally, tingin ko din, ang tungkol sa pagimbestiga sa grupo ng mga Satanista ay more on sa linya ni Mr. Madrid."     

"I agree," sabi ng don with finality.

After, pinagpatuloy nila ang pagkain at nang matapos ay sabay-sabay na tumayo para umalis. Tulad ng inaasahan ni Andy, inuwi niya ang bote ng Johnnie Walker Blue. Nang makarating sila sa parking ay pinauna ni Don Carlos sina Jules, Hannah at Father Markus para makausap ng personal si Andy. Nang makita nilang nakaalis na ang Hi-ace ng tatlo:

"About dun sa isa ko pang pinagagawa..." umpisa ng don. "Are we all good?"

Tumango si Andy, "Yes, sir."

"Tingin mo mahahanap mo siya?" tanong pa ni Don Carlos.

Hindi siya sinagot ni Andy ng diretso, tumalikod na lamang ang private investigator at sinabing:

"Balitaan kita."