Binawi kaagad ni Kahlil ang ipinakitang ekspresyon. Suminghal siya at idiniin lalo ang tingin kay Kuya Alet.
"Who are you?" hamon nito saka inilipat ang tingin sa akin. "Is that your brother?"
Tatango na sana ako ngunit hindi natuloy dahil si Kuya Alet na mismo ang sumagot.
"Hindi niya lang ako basta kuya kaya umalis ka na bago pa mandilim ang tingin ko sayo."
Pilit akong humagilap ng lakas ng loob upang makawala sa pagkakahawak ni Kuya Alet sa akin. Ngunit sa bawat segundong lumilipas, pakiramdam ko ay hinihigop niya ang lakas ko upang magawa iyon. Damang dama ko ang galit niya at iritasyon sa mga nangyayari. Nagtitimpi pa siya sa lagay na iyan.
Maya-maya pa ay unti-unting huminahon ang ekspresyon ni Kahlil. Na para bang natauhan siya. Naroon ang pangamba ko na baka n
