“Kailan ka pa natutong magmaneho?”
Hindi ko maitatanggi na tama siya. Sinong laking isla ang marunong sa pagmamaneho? Si Kuya Kaloy lang ang nagkaroon ng pagkakataong matuto nito. Eh ako? Ako na nananatili lang naman sa bahay at walang ginagawa, paano nga naman ako magiging bihasa sa sasakyan?
Panay ang reklamo ko kay Yuri nang makalabas ako ng sasakyan. Si Kuya Alet naman ay malamig na naglalakad paakyat sa kaniyang kwarto at iniwan kami ni Yuri sa sala. Kahit hindi sabihin, dismayado si Kuya at gulat sa mga pangyayari. Na para bang misteryo kung paano ko napagana ang kotse gayong ako lang naman ang nakita niyang mag-isa sa loob nito.
“Walang hiya kayo…” asik kong bulong kay Yuri sabay tingin sa kaniya nang masama. Huminto kami sa tabi ng pinto at dito nag-usap. “Plinano niyo ba
