«« شيزوفرينيا »»

خناقة جامدة اوي قايمة وسط الشارع قربت رغد من بعيد تتف*ج على الخناقة .. ووسط الدوشة والدخان وض*ب الناس في بعضها كانت رغد بتتكتف ايد ورجل وبتتخ*ف من وسط الخناقة وبتتحط في عربية چيب كبيرة *بعد ساعة * رغد بتفتح رغد عيونها العسلي اللي منورة بشرتها الفاتحة اللي غرقانة دموع من الخضة .. شاب طويل واسمر وملامحه حلوة قاعد جنبها معتز : صباح الخير ياحبيبتي قامت اتنفضت من مكانها رغد : بتخ*فني يامعتز .. هي حصلت ؟؟؟؟؟ معتز : طالما معصلجة ومش عايزة تيجي بمزاجك قولت اجيبك غصب عنك رغد : ياأخي كفااااية بقا حرام دا انا أبويا لسة ميت مربعنش حتى .. اشحال لو مكانش عمك كنت عملت ايه ؟ معتز : كنت مستنتش حتى الأربعين عشان اتجوزك وكنت عملت فيكي دلوقتي اللي يجبرك توافقي عليا من غير تفكير .. بس اديني مد*كي فرصة تفكري وتختاري الطريق يا السلم .. يا الحرب ، بصي حواليكي وشوفي فيه كام راجل واقف وقرري ها قولتي ايه ؟؟ رغد بترجع لورا : معتز .. اللي بتعمله دا أكبر غلط يا معتز معتز بيقرب منها : اااااه .. يبقي كدا مش ناوية تجيبيها سلم ، نخليها حرب بقا وقبل ما يقرب سمعوا صوت جاااامد نطرهم كلهم من مكانهم .. اتلفتوا باب المخزن كله اتفجر وداخل منه شاب طول بعرض .. بشرته مايلة للبياض وملامحه ناشفة .. لابس نضارة سودا معتز بيقوم يقف بسرعة : انت مييين ودخلت هنا ازاي ؟؟؟ - بيقرب منه وبيقلع النضارة : انا الكابوس اللي هيظهرلك وسط الحلم ويصحيك من النون مفزوع معتز : أيوة مين يعني ياعم الكابوس - يوسف القاضي خليك فاكر الإسم دا كويس عشان مش هتنساه تاني .. وخاصة بعد ما غلطت الغلطة الشنيعة دي ض*به بالدماغ وفرقع قنبلة دخان عمت الكل ولبس نفس النضارة تاني دور الض*ب في كلللل الموجودين وشال رغد جري بيها على برا رماها في العربية وركب الناحية التانية .. دور العربية ومشي *بعد نص ساعة * رغد بتبص ليوسف : متشكرة جدا على اللي عملته معايا .. بس انا بردو مفهمتش انت مين يوسف بيوقف العربية وبيبصلها : مسمعتنيش وانا بتكلم ولا ايه رغد : انت تعرفني ؟ يوسف : انا أعرف عنك اللي ابوكي وامك مكانوش يعرفوه .. الحاجة الوحيدة اللي معرفهاش واللي ظهرت عشان أعرفها مين قتل ابوكي ؟ رغد : !!!! قتل ايه .. أبويا مات قضاء وقدر يااستاذ يوسف يوسف : انا كنت المحامي بتاع والدك بقالي سنين .. وعارف كويس ان موته مكانش قضاء وقدر رغد : انا مقدرة الحماس اللي واخدك واللي دافعك تمسك قضية كبيرة زي دي .. بس للأسف الطريق دا آخره حيطة سد يوسف : طيب حطي الكلمتين دول حلقه في ودنك .. ابوكي مات بفعل فاعل والفاعل دا هيأذيكي انتي كمان قريب اوي .. وانا بقا مش هسمح بدا انتي أمانة في رقابتي من أستاذ سميح رغد : انا مش فاهمة حاجة .. بس عموماً هعيد شكري تاني بتفتح باب العربية: عن إذنك نزلت من العربية ووقفت تا**ي وركبت *وصلت رغد البيت * وردة : لسة مكتشفين موت ابوكي مبقالناش كام يوم وانتي داخلة خارجة براحتك .. دا انا اللي كنت مراته باين اني زعلانة على ابوكي اكتر مانتي زعلانة وردة : الحزن بيكون في القلب .. عمر الشكل والكئابة اللي من برا ما كانوا مقياس للزعل وردة : والله انتي لا باين عليكي انك زعلانة من برا ولا من جوا ، يلا ربنا يرحمه ويصبره في تربته على عياله التلاتة رغد : من فضلك چنا أختي ملهاش علاقة بكل اللي بتحكي فيه وردة : نعم ؟ يعني هو مازن اخوكي اللي وقع من قعر الاوفة ! قُصره .. اعملي حسابك عمك وابنه طالعين يطلبوا إيدك النهاردة رغد : افندم !!! لا ماهو مش معنى إني مش مبينة زعلي إننا ن**ر كل القواعد والمبادئ وننسى موت بابا اللي متمش الاربعين .. واظن انتي عارفة كويس انا بابا كان بالنسبالي ايه .. وغير كللل دا انا مش موافقة علي معتز أصلا وردة : بالنسبة للقواعد والعادات والتقاليد فعمك ساكن معانا في نفس العمارة ومحدش هيسمع ولا هيشوف ومش هنلبس دبل دلوقتي وانتي بردو عارفة كويس ان عمك كان مستني الفرصة تيجي بأي تمن ويخطبك لمعتز إبنه اللي هيموت عليكي ومش هيقدر يستنى اكتر من كدا رغد : قصدك ايه ؟ إنه كان مستني أبويا يموت عشان يطلب ايدي ونوافق ! وردة : قصدي إن عمك دا هو اللي هيتكفل بينا وبمصاريفنا بعد ابوكي الله يرحمه .. اعقلي بقا وحطي عقلك في راسك رغد : وانا مش موافقة ياابلة وردة بكرا اعمل تربوي و اشتغل مدرسة علم نفس واقبض مرتب كويس واتكفل بكل حاجة وردة : مبدأيا إحنا معندناش بنات تشتغل أصلا ومتحلميش تاخدي تربوي ولا متربوياش .. دا احنا مش عارفين هنجهزك منين تقوليلي تربوي .. اي نعم كنا أغنية والفلوس ياما هناك ياما هناك بس مكناش نعرف ان ابوكي هيطب ساكت ومش هيفضلنا غير اللي نعيش بيه وبعدين تعالي هنا .. لحد امتى هتقوليلي أبلة وردة دي ! هعملك ايه اكتر من اللي بعمله عشان تشوفيني امك واسمع منك كلمة ماما ؟؟ رغد : حضرتك على عيني وعلى راسي بس انا قولتلك قبل كدا انا كان ليا أم واحدة .. وهي دلوقتي مش موجودة وللاسف مش هقدر أقول لغيرها كلمة ماما دي وردة : ماشي يابنت الناس .. هسيبك من هنا لبكرا تحكمي عقلك وتصحي تقوليلي انا موافقة معتز يطلع يطلبني رغد : أبلة وردة .. معتز اللي بتقوليلي يخطبني دا كان ه... *قبل ما تتكلم حاجة منعتها* سابتها ودخلت على جوا ، فتحت أوضة چنا أختها .. دخلت قعدت جنبها على السرير رغد وهي عمالة تبوس فيها : نونتي الصغننة لسة نايمة لحد دلوقتي ياناس چنا بتفتح عينيها .. اول ما شافتها قامت بسرعة حضنتها چنا : كنتي فين لحد دلوقتي يارغد دا انا ماصدقت اخدتي اجازة من الشغل ? رغد : كنت في مشوار ياروح قلب رغد ? مروحتيش المدرسة ليه ? چنا : صحيت من النوم لقيت نفسي دايخة مقدرتش أنزل رغد بتحضنها : ماشي ياقلبي نعوض اليوم بكرا بإذن الله ونشوف اللي فاتك يلا قومي ادخلي المطبخ وكلي لحد مااخد شاور واجي اقعد معاكي سابتها وخرجت من الاوضة ، دخلت اوضتها وقفت قدام المراية بشرة فاتحة مايلة للبياض .. عيون عسلية وفيها براءة الدنيا كلها .. شعر كيرلي ناعم .. قربت من المراية .. شالت البلاستر اللي على قورتها وبصت على الجرح اللي مازال بينزف نزلت فكت الرباط اللي علي رجلها اللي مش قادرة تدوس عليها ?فلاش باك ? راكبة عربية أبوها وماشية .. تليفونها رن رقم غريب - ألو .. آنسة رغد معايا ؟ رغد : أيوة مين ؟ - البقاء لله .. احنا لقينا جثة والدك من ساعتين ، مات نتيجة تسمم شديد في الدم وقع من ايديها الفون من الصدمة واستمرت في السواقة وهي مش شايفة قدامها خبطت في عربية .. وكانت حادثة بسيطة ?رجعت رغد من الفلاش باك ? على صوت باب الأوضة بيترزع وداخل منه مازن اخوها بصوت عالي : كنتي فييييين ياابلة لحد دلوقتي رغد بخضة : ياساتر يارب .. حد يدخل على حد كدا يامازن !! مازن : هو ايه اللي ياساتر شوفتي عفريت ؟؟؟ كنتي فيييين رغد : وانت من امتى بتسألني كنتي فين ؟ مازن : من ساعة ما ابوكي مات وبقيت انا الواصي عليكي .. من هنا ورايح اللي كان بيحصل أيام زمان دا خلاص بح انا اللي اقول هتروحي فين وتيجي منين وتعملي ايه رغد : مازن .. انا مش فايقالك دلوقتي خاااالص وعفاريت الدنيا بتتنطط في وشي فسيبني في حالي دلوقتي احسنلك سابته ودخلت علي الحمام .. وقفت تحت الدوش بعد نص ساعة خرجت من الحمام .. بتمد ايديها تفتح باب اوضتها فجأة سمعت صوت جامد اوي بيتدب في الأرض .. وشبه زلزال بيهز العمارة كلهااا