البارت الثاني ❤️🤍

2045 Words

فجأة سمعت صوت جامد اوي بيتدب في الأرض .. وشبه زلزال بيهز العمارة كلهااا بتمد ايديها تفتح باب اوضتها برقت ومسكت في الباب بسرعة *خافت يكون زلزال بجد * كل العمارة نزلت على تحت يشوفوا ايه اللي حصل ! بقرة مدبوحة وواقعة من سطح العمارة قدام العمارة تحت .. وتحتها شاب ميت من آثار وقعتها عليه كل الناس اتصدموا وصوتوا من المنظر .. رغد حطت ايدها على وشها وغمضت عينها مش مستحملة تشوف المشهد دا بدأوا يتسائلوا "بقرة مين دي ؟ " محدش بيجاوب .. طيب مين طلعها على السطح بالمنظر دا ؟ مين وقعها من فوق ؟؟؟ كل دي إجابات مفقودة وردة : الغريب في الموضوع إن دي عمارتنا إحنا ، واحنا كلنا كنا في شققنا أصلا سعيد عم رغد : خلاص ياجماعة حصل خير .. كل واحد يروح على بيته واحنا هنكلم أهل الشاب دا ييجوا ياخدوه على ما نشوف ايه اللي وقع البقرة دي هنا رغد بغضب : ايه اللي بتقوله دا ياعمي ؟؟ انت مستهون بموت بني آدم عااادي كدا العمارة دي عمارتنا واحنا المسؤولين عن اللي حصل دا ولازم نعرف مين عمل كدا ونروح نودي الشاب دا لحد باب بيته وهو معمول معاه الواجب والأصول سعيد : جرا ايه يارغد ؟ انتي هاتعلميني الواجب والأصول ولا ايه !! مازن : ايه الطريقة اللي بتكلمي عمك بيها دي يارغد ماتحترمي نفسك ، وبعدين انتي ايه اللي يدخلك في الحوار دا أصلا .. احنا رجالة ونعرف نتصرف اطلعي على فوق يلا معتز : براحة عليها يا مازن محصلش حاجة يعني رغد رفعت عينيها وبصت لمعتز وسعيد ومازن بغضب .. بتتلفت جوا العمارة لقت چنا نازلة ع السلم مخضوضة " في ايه يارغد ؟" رغد بتجري عليها : ايه ياحبيبتي اللي منزلك كدا انا مش قولتلك خليكي فوق تعالى تعالى نطلع يللا خادتها طلعت بيها على فوق .. دخلوا قعدوا في الريسبشن رغد : ها كلتي زي ما قولتلك ولا لسة ? چنا : أبلة وردة اللي عاملة الأكل وانا مبحبش الاكل بتاعها ? رغد : ايه دا ايه دا ازاي نتكلم على ماما بالشكل دا ? چنا : رغد .. انا مبقتش صغيرة وعارفة إنها مش ماما رغد : ايوة بقا في حد استكبر نفسه ? طبعا ياقلبي مش صغيرة .. انتي أميرتي الجميلة ?? بس الأميرة الجميلة لازم تحترم الأكبر منها ، ولازم لما تكون واحدة مكان مامتها كمان تقولها ياماما چنا : بس انتي مش بتقوليلها ياماما ? رغد سكتت وهي بتبصلها ?عملت فلاش باك من خمس سنين ? سميح أبو رغد : رغد ياحبيبتي .. انتي مش شايفة ان حوار اختفاء أمك دا خد معاكي وقت أكبر من اللازم رغد : انت بتقول ايه يابابا ؟ دي امي مش قطة كنت مربياها سميح : انا فاهم ياحبيبتي والله ومقدر دا .. بس أمك اللي بتتكلمي عنها دي بنفسها سابتك انتي و اختك ومشيت بمنتهى القسوة وعشان كدا انا مش هسيبك تغرقي وتروحي مني بسببها وكفاية اوي اللي عملته فينا رغد : ٣ شهور على غيابها ولسة بسمع صوتها في البيت ، لسة بشم ريحتها في كل مكان .. لسة ماشية على كل نصايحها لحد اللحظة دي انا مش مصدقة اللي بيحصلي .. ازاي قدرت تعمل فيا كدا ، ازاي قدرت تسيب بنت اللي في أشد الحاجة ليها اللي عمرها ١٨ سنة واختها اللي لسة مكملتش ٣ سنين ، والاهم من دا كله ليييه ؟ سميح : كل واحد ليه أسبابه بقا ياحبيبتي وليه دي هي بس اللي تعرفها .. المهم دلوقتي ، انا عايزك في موضوع مهم بس حاولي تتماسكي رغد : تاني ؟؟ خير يابابا حصل ايه سميح : مش عارف افاتحك في الحوار دا ازاي بس هدخل في الموضوع علي طول بعد ما اتجوزت أمك بسنة حصل بيننا خلافات جامدة اوي وشبه انفصلنا من غير طلاق ... سيبتها وروحت قعدت لوحدي وبعد مدة ضعفت واتجوزت واحدة تانية رغد : نعم ? عملت ايه ؟؟؟؟ سميح : سيبيني أكمل كلامي للآخر يارغد المهم .. اتجوزت واحدة تانية عُرفي إسمها وردة ، كنت فاكرها نزوة وهتروح لحالها وبعد شهور اكتشفت إنها حامل من غير ماافكر روحت بسرعة جبت المأذون واتجوزتها على سنة الله ورسوله على أساس اني خلاص طلقت امك بعد شهور تانية حصلت حاجة لو سمعتيها مش هتصدقي رغد : حصل ايه يابابا ؟؟ سميح : وصلني رسالة من صديق عزيز عليا إن نجوى مراتي اللي هي أمك بتولد في المستشفي اللي هو شغال فيها روحت على ملى وشي وانا مش مصدق اللي بسمعه ومتأكد إنه بيشبه عليها مش اكتر اكتشفت ان هي امك فعلاً .. كانت حامل فيكي ونظراً للمشكلة اللي كانت بيننا وإني سيبتها بدون مقدمات مرضيتش تعرفني إنها حامل أول ما شيلتك في ايدي وشميت ريحتك حسيت إني ملكت الدنيا ومافيها .. وفورا رجعت لامك وكملنا حياتنا سوا وبعدها بفترة بسيطة جدااا وفي نفس السنة وردة ولدت مازن رغد : مازن ؟ سميح : اه ياحبيبتي مازن .. اخوكي رغد بصدمة : وازاي تخبي عننا حاجة زي دي لمدة ١٨ سنة يابابا ؟؟ سميح : هكملك اللي حصل بقا وقتها كان قدامي اختيار من اتنين .. يااعرف دي اني متجوزة عليها واخبي علي دي ، يا الع** وساعتها من غير ماافكر قررت اني اقول لوردة اني متجوز قبلها عشان أمك هي الزوجة الأولى .. وخوفت اعرف نجوى أي حاجة لحد النهاردة بس طبعاً بما إن امك اختفت وشكلها كدا مش راجعة تاني .. انا قررت أضمك انتي وچنا ، ووردة ومازن في بيت واحد وردة تبقى امكو وانتي وچنا ومازن تعيشوا الحياة الاخوية الطبيعية رغد وعينيها مدمعة : لا عمري هشوفها امي .. ولا عمري هقدر أشوفه أخويا ربنا يسامحك يابابا وسابته ومشيت ?رجعت رغد من الفلاش باك ? چنا : رغد روحتي فين انا بكلمك ؟ رغد : معاكي ياحبيبتي معاكي مش بقولها ماما عشان انا أكبر منك ياچنا ومش متعودة اقولها كدا .. لكن انتي لسة صغننة وهي في مكان أمك چنا : رغد انا عاوزة أنام رغد : طيب تعالي ندخل ننام يلا عشان تروحي مدرستك الصبح مازن داخل على رغد وغضب الدنيا كلها ظاهر على وشه : انتي ايه اللي عملتيه دا ياهانم ؟؟ رغد : عملت ايه يامازن ؟ مازن : انتي ايه اللي ينزلك في موقف زي دا وازاي تردي على عمك كدا ؟؟؟؟ رغد : مبدأيا الي حصلت دي حادثة قدام عمارتنا وكان طبيعي جدا اني انزل اشوف حصل ايه .. أما بقا بالنسبة لعمي فلما يكون معندوش ضمير دي أنسب طريقة أكلمه بيها مازن : خدي بالك انتي بقيتي تقلي ادبك كتير وانا سااااكت رغد : عن إذنك يامازن سابته ومشيت دخلت على اوضتها .. قعدت على السرير نتعرف برغد ❤️ *رغد سميح البنهاوي * بنت عندها ٢٣ سنة ، خريجة *كلية آداب علم نفس * ، بريئة جداً في تفكيرها وتصرفاتها .. وفي نفس الوقت ذكية *** قنوعة وبترضى بقليلها .. بس عمرها ما تسيب حقها امها اختفت من ٥ سنين وسابت رسالة انها مش راجعة .. ابوها اختفى من شهر وقبل ٤ أيام بالظبط اكتشفوا إنه مات بتسمم في الدم .. وقتها كانت رغد في الشارع بتجيب طلبات سمعت الخبر اتصدمت نظراً لحبها الشديد لابوها اللي كان أقرب واحد ليها .. وبعدها مباشرةً عملت حادثة بالعربية ، بس كانت حادثة بسيطة عندها أخت من الام والاب واللي هي چنا ٨ سنين واللي مش بتحب في حياتها قدها ومعتبراها بنتها أما بالنسبة لمازن قدها في السن بالظبط و أخوها من الأب بس والام هي *وردة* مرات أبوها وخلال الأحداث هنعرف حكاية كل واحد فيهم وفي الابطال اللي لسة مظهروش ????????? *تاني يوم الصبح * رغد بتفتح عينيها على صوت العصافير اللي بتصوصو جنب الشباك اللي وردة واقفة بتفتحه وردة : ايه هتفضلي نايمة للضهر يارغد ؟؟ رغد بتحط ايدها على عينيها : اقفلي الشباك ياابلة وردة النور ضارب في عيني وردة : كفاية نوم لحد كدا .. جايلنا ضيوف بالليل ولازم تبقي فايقة رغد بتتعدل : ضيوف اااايه ، هو احنا اللي هنعيده هنزيده !! ما قولت مش عايزة اتجوز اللي إسمه معتز دا .. وبعدين ثواني بالنسبة للي حصل امبارح بالليل دا محركش حاجة جواكو ؟؟ فيه شبه جريمة قتل اتعملت امبارح قدام عمارتنا واحنا النهاردة هنقرا فاتحة !! وردة قربت منها وبغِل : ماشي يا رغد براحتك .. بس هسألك سؤال وبعدها لو فضلتي مش موافقة هقولهم متطلعوش رغد : اتفضلي وردة : ياترى معاكي تمن التحاليل والأشعة اللي الدكتور طالبهم وهتعمليهم بكرا لچنا عشان تستعد للعملية ? رغد بصدمة : !!!! فين الفلوس اللي بابا سايبهالنا ؟؟ وردة : خلصوا ياحبيبة بابا .. تقدري تقوليلي بقا هتجيبي منين الفلوس دي ؟ رغد : ....... وردة : عمك عنده إستعداد يتكفل بكللللل حاجة تخصنا *بتطبطب عليها جامد * عقلك في راسك تعرفي خلاصك سابتها وخرجت من الأوضة اتصلت بسناء مرات عم رغد وردة : أيوة يا حبيبتي .. احنا مستنيينكم اهو ع المغرب معادنا زي مااتفقنا ????????? رغد قاعدة في أوضتها حاطة ايديها على دماغها "الله يرحمك يابابا .. الله يرحمك " باب الاوضة خبط رغد : ادخل ريهام صاحبتها وبنت خالتها : الجزمة اللي عمالة اكلمها من امبارح مش معبرة امي ?? رغد قامت خادتها بالحضن : كنت محتاجالك اووووي بجد جيتي في وقتك ريهام : ايه يابنتي مالك حصل ايه رغد : هحكيلك ????????? زينب خرجت لمعتز وسعيد زينب : وردة لسة قافلة معايا وبتقولي إنهم مستنيينا النهاردة على المغرب معتز : بجد ??? رغد وافقت يعني سعيد : اكييييد وافقت هي تقدر ترفض أصلا زينب : هو انتو راضيين عن اللي بتعملوه دا ؟ سعيد : يعني ايه مش فاهم زينب : يعني انتو شايفين إن دا الوقت المناسب إننا نطلع نطلب واحدة أبوها لسة مكملش الاربعين ولسة عارفة خبر موته مكملتش كام يوم لسة الاسود علي جتتها ؟ بلاش .. شايفين إننا لما نجبر واحدة على جوازة هي مش عايزاها ونستغل موت ابوها اللي كان في ضهرها ربنا هيباركلنا في حاجة ؟؟ سعيد : بقولك ايه يازيييينب متبدأيش غم من دلوقتي بقا الله يرضي عنك انا مش ناقص .. بلاش شويتين المثالية بتوعك دول ادخلي جهزي نفسك عشان ع المغرب نبقي فوق زينب : يعني معتز وعرفنا إنه بيتنيل علي عين امه بيحبها حب اسود ، انت بقا ايه اللي مخليك متمسك اوووووي بالجوازة دي كدا سعيد بغضب : بنت اخويا وحلوة وزي القمر وفي نفس الوقت متعلمة ومتربية ، مثقفة وعارفة الدنيا ماشية ازاي .. نسيبها تروح للغريب لييييه واحنا موجودين والنبي تقعدي ساكتة بقا انا ما صدقت ابوها غار مطرح ما راح عشان الطريق يفضالنا زينب : نعم ؟؟؟؟ معتز : بدون قطع كلامكم يعني معلش *بيبص لأمه * إذا كان عمي مات او حتى لسة عايش انا كنت هاخدها يعني هاخدها مكنتش هستحمل ان الوقت يعدي وهوب ابص الاقيها اتعلقت بأي حيوان غيري ووقتها مش بس هقتله هقتلها هي كمان .. يرضيكي ابنك يبقى قتال قتلة ؟؟ زينب بنفاذ صبر وهي سايباهم وماشية : يارب ارحمني برحمتك يارب .. اقسم بالله انا تعبت من العيلة دي *نتعرف بمعتز * شاب عنده ٢٨ سنة .. مهندس في شركة بترول زي أبوه وعمه الله يرحمه .. طويل ، أسمر وملامحه ناشفة هدفه الأول والأخير في حياته إنه يتجوز رغد ???????? رغد : بس ياستي .. ومن ساعتها مش عارفة أعمل ايه ، اجيب منين الفلوس دي عشان أقدر اخرج من ام المأزق المنيل دا ريهام : هو فعلاً حوار معقد اوي .. انا لو معايا فلوس التحاليل دي كنت ادتهالك وروحنا نعملها والله ، بس حتى لو عملنا كدا .. هنجيب فلوس العملية منين ؟ هنجيب فلوس العلاج منين ؟ ما كل دي حاجات لازم نفكر فيها رغد : طيب اعمل ايه انا دلوقتي ريهام : مفيش حل غير إنك تخرجي النهاردة فعلاً تقابليه وتمشي الموضوع لحد ما تخلصي حوار چنا دا وبعدين تخلعي بأي شكل وقتها رغد بتحط ايدها على دماغها : انا تعبت والله قربت منها ريهام وبدأت تطبطب عليها ريهام : معلش ياحبيبتي ، هوني علي نفسك ومتنكديش عليها اكتر كل إنسان في الدنيا بييجي عليه أوقات وبيضطر يعمل حاجات هو مش عايزها لفترات معينة عشان هدف معين وصدقيني ربنا هيفضل واقف معاكي ????????? *الساعة ٧ بالليل * وردة بتفتح الباب على رغد : كل دا مجهزتيش ؟؟؟؟ بتبص علي رغد .. لابسة فستان أ**د طويل ، وميك اب هادي جدااااا ومع ذلك جميلة بردو وردة : ايه يابنتي في ايه ؟؟ دا منظر واحدة جايلها عريس هتقا**ه كمان شوية رغد : ماله منظري ياابلة وردة ؟؟ وردة : مش حاطة حاجة عدلة في وشك ولا عاملة حاجة عليها القيمة لا وكمااااان لابسة فستان اسود .. حتي في الظرف دا هتلبسي اسود؟ رغد : يعني حضرتك عايزاني أعمل ايه لما يكون ابويا معداش علي موته كام يوم ؟ ريهام : خلاص ياطنط هي جميلة من غير اي حاجة أصلا .. والطقم لايق علي بعضه جدا وردة : أهم جم وبيخبطوا .. استنوا افتح الباب خرجت من الأوضة .. عين رغد دمعت وهي بتبص لريهام ب**رة ريهام مسكت ايديها وبدأت تهديها رغد : اليوم دا مش هيعدي علي خير وانا متأكدة من دا .. يلا نخرجلهم

Free reading for new users

Scan code to download app

App Store Google Play

Facebookexpand_more