«« شيزوفرينيا »»

البارت الثالث ❤️🤍

خرجت رغد الريسبشن اللي قاعدين فيه اهلها ومعتز واهله ، ووراها ريهام صاحبتها

دخلت بدأت تسلم عليهم ، جه الدور في السلام علي معتز مدت ايديها عشان تسلم عليه ، رفع عينه اللي بتلمع وبصلها بابتسامة وفرحة ... شدت ايديها وراحت تسلم علي زينب أمه ، زينت بتبصلها بحزن و**رة وطت رغد تحضنها .. ضمتها زينب جامد في حضنها وهي بتقولها في ودنها

"انا في ضهرك متخافيش يابنتي "

ظهرت الابتسامة علي وش رغد بعد ما سمعت الكلمتين دول

خلصت كلام وبعدت عشان تقعد علي كرسي السفرة

سعيد بص لوردة بغضب

وردة بتزغر لرغد : ايه اللي باعدك اوووي كدا يارغد تعالي اقعدي جنب خطيبك يلا

فضلت رغد بصالها بغيظ ومش عايزة تتحرك

مازن : سمعتي قالتلك ايه ولا انتي ودنك وجعاكي ؟

راحت بسرعة ريهام شدت رغد من ايديها وهي بتقولهم : خلاص خلاص هي هتقوم اهو

قعدت جنب معتز .. بدأ يبصلها بطرف عينه لحد ما لقى الكل اتشغل في الكلام .. دور وشه وبصوت واطي

معتز : زي القمر ومزة كالعادة ??

بصتله بغضب وقامت تدي لكل واحد كاس العصير .. دخلوا في الموضوع وبدأ سعيد يتكلم في تفاصيل الخطوبة والجواز والشقة والفرح ، رغد قاعدة باصة في الأرض ونفسها الأرض تنشق وتبلعها

سعيد : ماشي ياجماعة .. احنا كدا اتفقنا علي كل حاجة

مش ناقص غير إننا نقرا الفاتحة بقا ?

زينب : فاتحة ايه ياسعيد مش تستني ناخد رأي البنت

وردة : رأي اااايه يعني هي هتمانع يازينب ، خير البر عاجله يلا بسم الله

رغد بتبصلهم كلهم بغضب و**رة فظيعة .. بدأت تفكر تعمل ايه ينقذها من المشكلة دي .. بصت للسما وقالت "يااااارب"

*الباب خبط *

كلهم قطعوا قراية الفاتحة وانتبهوا للباب .. "ياترى مين اللي جاي دلوقتي ؟ "

قامت رغد بسرعة تفتح الباب ...

رغد بصدمة : يوسف القاضي ؟؟!!

يوسف وهو داخل من باب الشقة : معلش ياجماعة لو جيت فجأة أو من غير مواعيد .. شغل بقا نعمل ايه

مازن قام وقف : مين حضرتك ؟

معتز بغضب : انت تاااني ?

سعيد : معتز انت شوفته قبل كدا ؟؟

معتز بيحط ايده على الخبطة الي في وشه : لا ياحج مشوفتوش .. بشبه عليه بس

يوسف : انا المحامي يوسف القاضي .. المحامي الخاص للحج سميح الله يرحمه

وللأسف نفس المحامي اللي وكلوني عيلة الشرقاوي اجيب حق ابنهم

سعيد : الشرقاوي مين ؟؟

يوسف بضحكة سخرية : حضرتك نسيت حادثة امبارح ؟

معتز قام وقف : على حد علمي حاجة زي كدا مش انت اللي تيجي تتكلم فيها .. لو هما رفعوا قضية فعلاً بييجي ظابط يتكلم بنفسه

يوسف : الكلام دا كان هيحصل فعلاً لو مكنتش انا جيت انقذكم من المأزق دا

مازن : بمعني ؟؟

يوسف : عيلة الشرقاوي رافعة عليكم قضية بتتهمكم في موت ابنهم بإهمالكو .. فيه إحتمال كبير اوي إنهم ي**بوا القضية دي ووقتها صاحب العمارة هيتحبس ، واللي هو انت يااستاذ سعيد

سعيد : والاحتمال التاني ؟

يوسف : الاحتمال التاني دا حل مش احتمال .. ودا السبب اللي جتلكم عشانه

عيلة الشرقاوي واقعيين زيادة عن اللزوم .. وفي حالة انكم تدوهم تعويض عن موت ابنهم وتتكفلوا بمصاريف بنته اللي اتيتمت بدري احتمااااال يغيروا افادتهم ويتنازلوا عن القضية

معتز : وانت ايه مصلحتك في دا كله ؟؟

يوسف : مصلحتي إني اشتغلت مع عمك سنين وبيننا عشرة واكيد مش هقبل أشوف أهله بيتحطوا في مشكله زي دي واقف اتف*ج .. لو عندي ذرة أصول هحاول أحل

سعيد : طيب يااستاذ يوسف تفضلت شاكراً قدمتلنا واجب واحنا رفضناه عشان اللي حصل دا ملهوش اي دخل بينا .. ولحد دلوقتي محدش عارف اللي حصل دا حصل ازاي

رغد بتبص لعمها وعينيها حمرا من الغضب

بينها وبين نفسها : عندك إستعداد تاكل مال اليتيم وتعمل ااااي حاجة عشان مصلحتك

يوسف : دا آخر كلام عندك يااستاذ سعيد ؟؟

معتز : اه آخر كلام عندنا .. وبعد كدا قبل ما تيجي تخبط علي بيوت الناس ابقي خد معاد قبلها ، خصوصاً لما يكون في مناسبة

رغد : لا بقا انا مش هسكت اكتر من كدا .. انت بجد ياعمي هتوافق تردم ع الموضوع وتحارب ناس ابنهم لسة ميت بسببنا او ع الأقل حاجة جاية من ناحيتنا ؟؟

سعيد : انتي يابنت ? ازاي تتدخلي في حاجة زي كدا .. احنا رجالة واحنا اللي نقرر ايه اللي يحصل وايه ميحصلش انتي ايه دخلك

رغد : دخلي إني كنت حالا هيتقري فاتحتي على ابن حضرتك يا عمي وبالغصب

رفع يوسف عينه من الأرض .. بصلها وبص لمعتز

سعيد : طيب يارغد بعدين نتكلم في الموضوع دا .. خلصت كلامك يااستاذ يوسف؟

يوسف : لا ثواني معلش ..

انا سمعت الآنسة رغد دلوقتي بتقول جواز وبالغصب !!

رغد : أيوة قولت كدا عشان دي الحقيقة *بتبصله وعينيها مدمعة *

معتز : وانت مااالك انت دي أمور عائلية بتدخل فيها ليه ؟؟

يوسف بيقرب منه وعينه حمرا وخارج منها الشر : انا معاك انها أمور عائلية مليش إني اتدخل فيها ... بس اللي واقفة قدامي دي إبن واحد عزيز عليا اوي

ولو حطيتك في دماغي واكتشفت بجد انك بتجبرها علي حاجة هي مش عايزاها ..

معتز : ايووووة .. هتعمل ايه وقتها بقا ؟؟

بيبصله بغضب : في مادة عندنا في القانون بتنص على إن الزواج بالإكراه ما هو إلا انتهاك لحقوق الإنسان .. وطبعاً انت عارف دا بقا عقوبته ايه بعد آخر تعديل لقانون ال*قوبات ؟؟

معتز : انت بتهددني في بيتي ؟؟

يوسف : سميها زي ما تسميها يااستاذ معتز

لف يوسف وشه وبص لرغد : انا لسة عندي وعدي وجاهز نبدأ في أي وقت

خرج على برا وشد الباب وراه

معتز مسح وشه وهو بيحاول يستجمع أعصابه : طيب يلا ياجماعة نكمل اللي كنا بنعمله ؟

رغد بصتلهم كلهم بق*ف وسابتهم ودخلت علي جوا

وردة : رغددددد رايحة فين يابت انتي .. روحي وراها بسرعة ياريهام شوفيها راحت فين المجنونة دي

دخلت رغد وقفلت الباب وراها وعلى ما ريهام وصلت كانت رغد تربست الباب من جوا ... بدأوا كلهم يخبطوا علي الباب وهي قافلة علي نفسها ومبتردش علي حد

معتز اخد امه وابوه ونزلوا على شقتهم وحتى ريهام روحت

?????????

رغد قاعدة جنب الباب ساندة دماغها على الحيطة وبتعيط .. بتفتكر كل حاجة حصلت معاها الفترة اللي فاتت

?فلاش باك ?

رغد قاعدة في حضن أمها .. نجوي بتطبطب عليها

رغد : ايه أصعب حاجة في الدنيا دي ياماما من وجهة نظرك ؟

نجوى : أصعب حاجة في الدنيا إنك متلاقيش حد يطبطب عليكي زي مانا بعمل دلوقتي كدا

رغد : هتفضلي تطبطبي عليا كدا طول العمر ؟

نجوى : طول مانا قلبي بيدق ولسة بتنفس ايدي هتفضل علي كتفك ياروح قلب ماما

رغد بتحضنها جامد وهي عينها بتدمع من الفرحة

?رجعت من الفلاش باك ?

عينيها لسة مدمعة بنفس الطريقة

?????????

*في شقة عم رغد *

معتز داخل وشه أحمر وعروقه نافرة ومش طايق نفسه ، عمال ي**ر ويرزع وأبوه نفس الكلام

زينب : فيه ايه ياجدعان ما تهدوووووا بقا موقف وحصل وخلصنا

معتز : بجد والله ؟؟ يبقى بيني وبين حلمي تكملة سورة الفاتحة بس وبووووم كلللل حاجة تخرب وتقوليلي موقف وحصل

زينب : انت عارف من البداية إنها مش عايزاك ومش مرتاحة معاك ومصرررررر تحط نفسك في الموقف دا

سعيد : اتكلمي من هنا للصبح يازينب .. هتخلصي كلامك وفي الآخر مش هيحصل غير اللي انا عايزه

البت دي مش هتبقي لحد غير إبني

زينب بفقدان أمل : اقسم بالله انتو ربنا لو حكمكو علي غلابة تخسفوا بيهم الأرض

حسبي الله ونعم الوكيل

سابتهم ودخلت علي جوا

??????????

يوسف وصل بيته .. نزل من العربية وفتح البوابة ودخل ڤيلا كبيرة وفخمة جدا

طلع السلم ودخل على أوضته .. طلع الموبايل والمفاتيح من جيبه حطهم علي السرير ووقف يقلع القميص قدام المراية اللي بطوله

*يوسف القاضي *

?البطل?

عنده ٢٨ سنة بيشتغل محامي من وقت مااتخرج .. شكله اكيد عرفناه من صورة غلاف الرواية .

عنده كاريزما تجذب أي حد ليه حتى لو ميعرفوش .. بيحب عيلته بطريقة فظيعة وبالأخص أمه .. بيحب الحق اكتر من حبه لحياته

والأهم من كل دا ....

تعالوا نعرف بقيت التفاصيل من خلال الأحداث أحسن ?

?????????

أمه بتفتح باب الأوضة وداخلة عليه

يوسف : اهلاااااا .. وردة قلبي وصلت بقا ??

إيمان وهي متدايقة منه : دلوقتي بقيت وردة قلبك ? كنت فين يا يوسف ؟؟

يوسف بيبوسها من خدها : كنت في شغل يانن عين يوسف .. هكون فين تفتكري ??

إيمان : كان عندك معاد مهم

نسيته طبعا ..!

يوسف بيض*ب علي دماغه : اخخخخ .. نسيت والله

إيمان : يوسف انت عارف دي المرة الكام تعشمها وتخلف بوعدك

يوسف : ما اد*كي شايفة ياماما الشغل فوق دماغي قد كدا ومش ملاحق

إيمان : اه شايفة يا يوسف بس بردو هاجر بنت عمتك دي عهدة في رقابتنا ولازم يابني نحافظ على الأمانة اللي ربنا هيسألنا عليها

مش انت الشخص اللي هقوله الكلام دا يا يوسف

يوسف : ياامي ما لو دا هيندرج تحت مسمى المحافظة علي عيني وعلي راسي ، إنما الحقيقة أنا وانتي عارفين كويس دا بيندرج تحت مسمى ايه

إيمان : حتي لو ? ايه المشكلة ؟؟

ايه العيب اللي فيها يعني !

يوسف : العيب مش فيها هي ياامي .. العيب فيا انا

إيمان لسة هتبدأ تتكلم مسك ايديها الاتنين باسها وهو بيقول : يلا ياروحي انا هدخل اخد دوش بقا عشان افوّق كدا

تاني يوم الصبح *

رغد خارجة من اوضتها لابسة وبتتسحب براحة عشان محدش يسمعها .. فتحت باب الشقة وخرجت ، قفلته وراها بالراحة

دخلت الاسانسير ولسة هتقفل الباب لقت ايد بتفتح الباب تاني .. وكانت ايد معتز

رغد برقت واتصدمت

دخل الاسانسير .. قفل الباب ولف ناحية رغد