«« شيزوفرينيا »»

البارت الرابع ❤️🤍

رغد بصدمة وهي بترجع خطوات لورا : في ايه يامعتز !!

معتز بيقرب عليها زيادة : لقيت نفسي هقعد ألف واعمل حوارات عشان اوصلك فقولت اقصر المسافة واقابلك هنا أحسن

رغد بترجع اكتر : عايز ايه ؟؟

بيحط ايده علي حيطة الاسانسير جنب وشها وبيبصلها : مش هسألك اللي حصل امبارح كان عبارة عن ايه ولا ايه مصيرنا ، انا جيت هنا عشان أقولك كلمة واحدة

"لو الإنس والجن اجتمعوا وحبوا يبعدوكي عني هحرقهم كلهم واوصلك بردو "

رغد : معتز خد بالك انت بتغلط

معتز : انا هبقى بغلط لو سيبتك تضيعي من ايدي

رغد : ولو قولتلك انا مش هكون ليك مهما حاولت

معتز : هقولك انا قبلت التحدي ?

بيفتح الباب : اتفضلي .. وصلنا الدور الأرضي

خرجت بسرعة على برا ركبت ومشيت

طلعت التليفون واتصلت بريهام

رغد : أيوة ياريهام .. نص ساعة بالظبط وهكون عندك

??????????

يوسف بيفتح عينه وايد بتحسس علي وشه .. اتخض وقام اتنطر يشوف مين اللي بيعمل كدا

هاجر قامت وقفت : صباح الخير يا يوسف

يوسف بخضة : صباح النور يا هاجر .. في حاجة ولا ايه !

هاجر : مفيش لقيتك اتأخرت في النوم بس قولت اصحيك

يوسف : بتصحيني بالطريقة دي؟

هاجر : كنت هنده عليك او اهزك فخوفت تتخض

يوسف : لا وانا كدا متخضتش خالص ??

ماعلينا .. انا آسف علي الحوار اللي ف** مني امبارح دا ، كان عندي مشوار مهم والله

هاجر : ولا يهمك يا يوسف الشغل مش هيطير يعني .. المهم تخلي الحوار في بالك بس

يوسف : طيب وانتي ليه م**مة تشتغلي ياهاجر مانتي عايشة في عينينا انتي وعمتي وكل طلباتكم مجابة ، ايه لازمتها البهدلة

هاجر : زهق وروتين بس يا يوسف .. عايزة أعمل اي حاجة جديدة

يوسف : تمام ، اديني كام يوم بس كدا وهظبطلك الحوار دا من غير ما تنزلي معايا حتي

هاجر : لا ليييه من غير ماانزل معاك .. انا عايزة انزل ، حتي أغير جو

يوسف بعد ثواني ...

خلاص ماشي اول مااجهز اموري كدا هاخدك ونروح

هاجر : اشطة ?? تحب أجهزلك الفطار ؟

يوسف : لا ماهي الشغالة هتجهزه متتعبيش نفسك .. انا هدخل اجهز عشان الشغل بقا

????????

وصلت رغد الكافيه دخلت سلمت على ريهام وحضنتها وقعدت

رغد : معلش يا ريهام انا عارفة إني كنت قليلة الذوق اوي امبارح معاكي عشان كنتي موجودة في بيتي ودخلت قفلت علي نفسي بس انا فعلا مكانش عندي حل تاني أقدر أهرب بيه من الفاتحة دي

ريهام : يابنتي متقوليش كدا انتي اختي ودا بيتي .. انا بس كنت هتجنن عليكي ، خوفت تأذي نفسك ولا حاجة

رغد : عمري مااعمل كدا

خسرانة حياتي اكيد مش هخسر اخرتي كمان

ريهام : ايوة بقاااا ياعاقل انت ?

رغد : معتز دخلي الاسانسير ورمالي كلمتين رخمين كدا عكروا دمي قبل مااجيلك

ريهام : امممم .. وانتي ناوية علي ايه في الحوار دا

رغد : مش عارفة والله يا ريهام ، اللي أنا متأكدة منه إني بأي شكل مش عايزة اتجوز معتز دا .. مبحبوووووش ?

ريهام : اوعي تجبري نفسك علي حاجة انتي مش عايزاها يارغد أيا كان التمن

رغد : ولو التمن هيكون حياة أختي اعمل ايه وقتها .. !

انتي عندك فكرة عملية نقل النخاع العظمي دي بتتكلف كام ياريهام ؟؟

ريهام : ياحبيبتي والله عارفة ومقدرة بس هتجنن من فكرة جوازك من واحد مبتطيقيهوش أصلا

رغد بتحط ايديها علي دماغها : اعمل ايه طيب

ريهام : صحيح محكيتيليش علي حوار يوسف المحامي دا ?

رغد : دا واحد كدا ظهرلي في البخت مؤخراً وعمال يصيح حق ابوكي حق ابوكي وم**م ان أبويا مات مقتول وعايز يساعدني

ريهام : طب وايه المانع .. ماتساعديه

رغد : ريهام انتي واعية للي بتقوليه ؟

متخيلة كام باب لجهنم ممكن يتفتح عليا لو بدأت في سكة زي دي .. ثم إني مش حاسة إنه اتقتل

حالة تسمم بسبب اي حاجة ملوثة كلها

ريهام : وافرضي طلع مقتول فعلاً واللي اقتله يحاول يأذيكي انتي كمان ?

رغد بتفكر لثواني ...

رغد : خلاص بقا يابت انتي متخليش مخي يروح لبعيد ، ربنا هيسترها بإذن الله ومش هيحصلي حاجة

ريهام : رغد .. انتي ليه مش عايزة تجيبي حق ابوكي ؟

رغد : لسببين مهمين جدا يا ريهام

أولهم إني لو مشيت في السكة دي هشك في كلللل اللي حواليا وهتجنن

تاني سبب ودا الأهم ..

*عيونها بتدمع * بابا طول عمره مكانش بيحب القلق والفضايح

وانا مش حابة اني أعمل قلق بإسمه بعد موته

كفاية اللي حاسة بيه ?

ريهام : لا يارغد انا مش معاكي .. فكري تاني في الحوار دا عشان خاطري

مش كل يوم هتلاقي واحد مستعد يساعدك بالطريقة دي

رغد : يلا ماعلينا .. انا هروح أخد چنا ونروح معمل التحاليل اللي الدكتور قالي عليه وأحاول أتصرف بأي طريقة في فلوس التحاليل دي

ريهام : والله يابنتي لولا المشوار الاسود اللي أمي مدبساني فيه معاها دا كنت جيت معاكي بس انتي عارفة أمي دماغها عاملة ازاي

رغد : يابنتي بتتكلمي في ايه منا عارفة ان اكيد لو بأيدك مش هتسيبيني

ريهام : عموماً انا هفضل علي تواصل معاكي كدا ولو احتاجتي حاجة قوليلي

رغد : تمام

سلمت عليها وقامت تروح البيت تجيب چنا

?????????

*في بيت يوسف *

الفطار محطوط علي السفرة وقاعد عليها وردة وجنبها عمة يوسف وهاجر بنتها

إيمان : يا يووووووسف .. انزل بقا عشان تفطر ياحبيب...

يوسف : نزلت اهو ياحبيبتي .. صباح الخير ياجماعة

هاجر : صباح الفل ??

يوسف بيشد كرسي عشان يقعد : اومال فين شهد ؟

إيمان : قامت علي الصبح اتشنجت علي الشغالين كالعادة ولبست وخرجت مع اصحابها

يوسف : مجنونة البت دي وربنا ??

إيمان : من شابه أخوه فما ظلم ???

ملامح يوسف اتغيرت ووشه احمر .. ساب كوباية العصير من ايده وقام وقف

يوسف : طيب انا للأسف ورايا شغل كتير اوي كملوا اكل انتو ألف هنا

إيمان اتدايقت لما حست إن زعلته

سابهم ولف ضهره ومشي

? فلاش باك ?

يوسف قاعد في أوضة كبيرة على كرسي .. عينه تحتها اسود ، وشه شاحب واصفر

قدامه دكتور

دكتور : يوسف .. انت حالياً وصلت لمرحلة الطب النفسي عجز عن إنه يوصلها ، وانت اكتر واحد تقدر تساعدنا نعالجك دلوقتي

يوسف رفع عينه الحمرا وبصله دقيقة

رجع يوسف من الفلاش باك وهو بيهز دماغه عشان يشتت تفكيره تاني بسرعة

خرج على برا ركب عربيته واتحرك ..

??????????

رغد بتفتح باب الشقة وداخلة .. وهي لسة في الطرقة لقت مازن بيشدها من دراعها بأقوى من عنده

مازن بغضب : انا شايف انك استحليتيها وبقيتي تخرجي وتدخلي علي مزاجك وتتسحبي زي الحرامية ?

رغد : وسسسع ايدي كدا في اااايه

مازن : في ايه ؟؟

بجد والله انتي لسة بتسألي في ايه !

مكنتيش دريانة بنفسك امبارح وانتي بتفضحينا قدام الناس إنك واحدة متربتيش وبتعرفي ت**ري كلام اهلك

رغد بتزقه بعيد عنها : كلام أهلي دا أسمعه لما يكون صح وفي مصلحتي ، مش لما يكون كله غلط في غلط ولسبب معرفوش

وسع كدا ... ياچناااا

مشي وراها وشدها تاني من دراعها : لما أكون بكلمك تقفي لحد مااخلص كلااااامي

رغد : بقولك اااايه

چنا جاية بتجري : رغد انتي جيتي ???

رغد : اه ياحبيبتي جيت جهزي نفسك عشان هنروح مشوار يلا

مازن : مشوار ايه دا ياام مشوار ، خشي يابت جوا

چنا بزعل : بس انا عايزة أروح مع رغد

مازن : بقولك خشششششي جوا ولا انتي ولا هي رايحين في حتة

رغد ظهر على وشها علامات الغضب ، وقفت بينه وبين چنا وخدت چنا وراها

رغد : انا لحد دلوقتي سكتالك بمزاجي عشان حُرمة موت أبونا اللي لسة جتته مبردتش .. لكن أقسم بالله ، لو فكرت مجرد تفكير إنك تزعق لأختي ولا تعلي صوتك عليها هتشوف مني وش هيخليك تشوف نفسك زي السجادة اللي واقف عليها

وردة جاية تجري: رغد !!!

انتي ازاي تكلمي اخوكي بالطريقة دي يابت

مازن قرب منها خطوتين : انتي بتكلميني انا كدا !!

رغد بتقرب هي كمان منه خطوتين : انا هاخد أختي دلوقتي وأروح اعملها التحاليل .. عايزاك تمشي ورايا بقا أو تحاول تمنعني عشان اهد المعبد ع اللي فيه

وقف مازن باصصلها وساكت .. شدت چنا وفتحت الباب

نزلت بيها علي تحت

??????????

*في عربية يوسف *

يوسف بيتكلم في التليفون : أيوة ياهشام

هشام : ايه يابني فينك ، مبتجيش الشركة بقالك كام يوم والمدير قالب عليك الدنيا ومعطل شغل قد كدا بسببك

يوسف : لييييه يعني ، هو مفيش محاميين غيري في أم الشركة دي

هشام : انت عارف إنك اكفئ محامي عنده في الشركة ودايماً معتمد عليك في حاجات كتير ، متخسرش ثقته دي فيك بقا

يوسف : ماشي ياهشام منا أكيد اللي بيحصل مش بأيدي انا بس مشغول كدا بكذا حوار اليومين دول هخلصهم وهفضى للشركة

هشام : تمام وانا بردو هحاول اظبط الدنيا كدا علي ماتيجي ، متعرفش تيجي النهاردة ؟

يوسف : للأسف صعب .. عندي مشوار مهم جداً لازم اعمله دلوقتي ، لو خلصت ولقيت عندي وقت هطلع ع الشركة

هشام : خلصانة ياصاحبي

??????????

رغد واخدة چنا وداخلين معمل تحاليل كبير ومعروف

رغد لموظفة الاستقبال : من فضلك انا كنت عايزة أعمل التحاليل دي لأختي

خدتها ودخلت للدكتور ، سحبت من چنا عينات الدم

الدكتور : تمام كدا خلصنا ، تقدري تدفعي الحساب برا بقا

رغد خدت چنا وخرجوا علي موظفة الاستقبال برا

رغد : من فضلك كنت عايزة اسألك علي حاجة الأول

موظفة الاستقبال : اتفضلي يافندم

رغد : بعد ما الدكتور سحبت عينات الدم لأختي اكتشفت ان التحاليل غالية جداً وانا للأسف مش عاملة حسابي دلوقتي ، في طريقة أو ضمانات تقدري تاخديها مني مثلاً وااجل الدفع لحد ما أجمع الفلوس لأن أختي لازم تعمل العملية ضروري جداً

موظفة الاستقبال : إسم أخت حضرتك ايه ؟

رغد : چنا سميح محمد البنهاوي

موظفة الاستقبال دخلت على السيستم وعملت سيرش علي الإسم

موظفة الاستقبال : طيب انتي ليه عايزة تأجلي دفع الفلوس وهي أصلا مدفوعة؟

رغد باستغراب : مدفوعة إزاي يعني !!!

موظفة الاستقبال : أول امبارح فيه شاب جه وكان معاه ورقة تحاليل زي دي بالظبط وسجل معانا بإسم أخت حضرتك ودفع الحساب وقالنا إنها هتيجي في أقرب وقت تعمل التحاليل وكان متابع معانا من وقتها

رغد : واحد عامل ازاي يعني ؟؟؟؟؟

موظفة الاستقبال : ابيضاني كدا وجسمه متوسط مش تخين ولا رفيع .. حتي افتكر كان لابس بنطلون أ**د وقميص أسو... أيوة هو اللي داخل من الباب هناك دا

رغد بتتلفت علي الباب ... يوسف داخل ومتجه ناحيتها

رغد : يوسف !!!