«« شيزوفرينيا »»

البارت الثامن ❤️🤍

رغد : انا عايزاك حالاً

يوسف : في حاجة ولا ايه يارغد ؟

رغد : من غير أسئلة كتير والنبي ، مش قولتلي مستعد أساعدك وابقي معاكي في اي وقت ؟

يوسف : مسافة الطريق وهكون عندك

قفلت معاك وخرجت من المكتب .. داخلة أوضة چنا

مازن لسة داخل لچنا حالا

مازن : ايه ياچنا عاملة ايه دا

چنا عاملة نفسها نايمة

رغد : ما بدري يامازن مستعجل على ايه دي يادوب بقالها يومين في المستشفى بس

مازن : كان عندي شغل .. وبعدين انتي من امتي بتكلميني بالطريقة دي ؟

رغد : وانت من امتى كان عندك شغل أصلا

مازن : تصدقي أنا غلطان اني داخل أسأل عليها ، اشبعي بيها ?

سابها وخرج على برا .. دخلت تاني تجيب لچنا حاجة تاكلها ، جابت الأكل ورجعت

رغد : مين الجميل اللي هيخلص الاكل دا كله ??

چنا : لا لا والنبي يا رغد مش عايزة أكل

رغد : ?? لاااااا مفيش الكلام دا

دا انتي لازم تاكلي عشان العلاج ياحبيبتي عشان تخفي بسرعة

چنا : لا لا مش ليا نفس خالص وحاسة اني هرجع

رغد بزعل : اكيد ما دا طبيعي بس انتي لازم تاكلي عشان خاطري الاكل دا اللي هيوقفك على رجلك

چنا بتعيط : خلاص يارغد بقا والنبي مش عاوزة اكل

رغد : ايه داااا انتي بتعيطي ? خلاص خلاص شيلت الطبق اهو .. بلاش أكل ياستي

سمعت صوت وردة بتزعق قدام باب الشقة

وردة : انت تاااااني ؟؟

سابت الطبق من ايديها وجريت على برا تشوف في ايه

وردة : انت مكافكش لزقتك لينا في المستشفى المدة دي كلها كمان جاي هنا ؟

يوسف : اندهيلي رغد من فضلك

رغد بعصبية : في ايه ياابلة إيمان ؟؟ دا ضيفي على فكرة وميصحش تعاملي ضيوفي بالطريقة دي

وردة : لااااا والله ، دا على أساس إنه بيتك لوحدك ؟

رغد : دا على أساس إنه بيت أبويا وامي وليا فيه قبل اي حد تاني

يوسف : رغد بعد إذنك البسي هدومك وتعالي ننزل نقعد في اي مكان تاني

رغد : وربنا ما يحصل ، البيت دا بيتي وأدخل اللي عايزة ادخله

مازن : نعععععم ياختي ؟؟ انتي فاكراها سايبة ولا ايه !!

يوسف بيبص لمازن .. اتقدم خطوتين ناحيته : انا سكتت ومرضتش أرد على مدام إيمان عشان هي قد والدتي ، لكن مش هسمحلك تعلي صوتك على رغد بأي حال من الأحوال

مازن بيحط ايده على كتف يوسف : وانت بقا بتقولي الكلام دا بصفتك ايه يا حلو

يوسف : مبدأيا كدا إسمي يوسف القاضي ومش محتاج أتكلم عن نفسي

تاني حاجة بقا ياسيدي .. *بيشيل ايد مازن من على كتفه* ايدك دي تخليها جنبك على مزعلكش عليها

بيبص لرغد : انتي عندك حق .. يلا ندخل نتكلم

رغد : طيب تعالي في المكتب

مازن واقف عروقه كلها نافرة ووشه احمر من الغضب .. شدته وردة علي اوضتها عشان تكلمه

دخلت رغد ومعاها يوسف على المكتب وقعدوا ..

رغد بتجيب الورقة اللي كتبها سميح

رغد : اقرا الورقة دي

مسك يوسف الورقة وبدأ يقرا ..

يوسف : صدقتيني ؟

رغد : انا لازم أوصل للي قتل أبويا أيا كان التمن

يوسف : شاكة في حد معين ؟

رغد : شاكة في حدود كتير وحياتك

يوسف بيحط رجل علي رجل : طيب إذا كان كدا اعمللنا كوبايتين قهوة بقا

رغد : والله ? شايفاك واخد راحتك كدا تقريباً ?

يوسف : واخد راحتي ؟ دا انا هبهدلك اصبري عليا بس ??

رغد : ??

طيب ثواني هروح أعملك قهوة واعملي عصير عشان نعرف بفكر

يوسف : ايه دا الموضوع طلع فيه عصير ? هو انا ينفع أغير الاوردر طيب ??

رغد : انت كدا جاي كافيه مش جاي تدور على قاتل ??

خرجت تجيب العصير

????????

*في أوضة وردة *

مازن : ممكن أفهم بقا انتي ازاي تسكتي على اللي حصل دا وتجبريني انا كمان أسكت ؟؟

وردة : ياوااااد ياع**ط انا مش عايزة نوسعها معاها اليومين دول ، البت لسة موافقة على معتز وخلاص كام يوم وتتجوز ونخلص

مازن : وانا ايش ضمنني إن الجوازة تكمل بإذن الله ؟ البت دي قِرفتها فقر اصلا ومفيش حاجة بتكملها

وردة : هتكمل يا مازن ، خدها مني كلمة ثقة هتكمل مدام أمك حاطة الموضوع في دماغها .. انا وسعيد عمك مش هنحل الحوار دا إلا ما نجوزهم

خليك ناااصح ياواد

مازن : ماشي ياما .. أما نشوف

رغد داخلة بصينية العصير المكتب .. بتبص يمين شمال ، يوسف مش موجود !

رغد : يوسف !

يوسف انت فيييين ؟

مشي دا ولا ايه

بدأت تدور في كل مكان ، تفتح البلكونة تدور جوا متلاقيش حاجة .. خرجت جري من المكتب ، سمعت صوت جاي من أوضة چنا

راحت على أوضة چنا بسرعة ..

يوسف قاعد جنب چنا وبيأكلها واحدة واحدة

رغد : ايه دااااا مانتي بتاكلي اهو ? هو سحرلك ولا ايه ??

يوسف بيبص لچنا : مش عارف انا ايه الناس الحشرية دي ? *بيأكلها معلقة في بوقها* سيبك منها يابنتي دي متغاظة مننا

رغد : لا بجد عملت ايه عشان تخليها ترضى تاكل

يوسف : وعدتها إن أول ماتخف هاخدها اوديها الملاهي زي ما وعدتها المرة اللي فاتت

چنا : هتنفذ وعدك يايوسف صح ☝️

يوسف بيبوسها : طبعااا ياروح قلب يوسف وعد الحر دين عليه بردو ?? يلا نخلص آخر كام معلقة دول بقى عشان نغيظ البت اللي قاعدة دي

چنا : لا كفاية بقا والنبي تعبت ??

يوسف : امممم .. ولو إني كان نفسي تكملي الطبق عشان انتي مكالتيش حاجة بقالك يومين بس مش هضغط عليكي عشان معدتك متتعبش

رغد : طب يلا بقا نشوف حوارنا ولا هنقضيها رغي ؟

يوسف : يلا بينا

دخلوا علي المكتب تاني وقعدوا .. رغد ادتله كوباية العصير

رغد : هنبدأ بأيه بقا ؟

يوسف : هبدأ معاكي كأي موكل عادي جداً .. نمسك من أول الخط

ايه اللي حصل يوم اختفاؤه ؟

رغد : قبل ما يموت كان بقاله كام يوم متغير .. طريقته غريبه نظراته غريبه اسلوبه غريب دايما يدخل المكتب ويقفل على نفسه .. لحد اليوم اللي اختفى فيه

يوسف : ايه اللي حصل بقى يوم ما اختفي

رغد : رجع من شغله كالعادة دخل ياخد شاور على مانا جهزتله الأكل .. **م إني أقعد أكل معاه ، أكلنا كويس جداً

جاله تليفون ، قالي انا هنزل أروح الكافيه اللي جنبنا اشم هوا واشرب حاجة في السريع واجي تاني .. نزل ومرجعش تاني

يوسف : كل الناس اللي حواليكو تصرفاتهم كانت طبيعية ؟

رغد : اه كله كان طبيعي وفي حالته الطبيعية

يوسف : طيب .. تعالي نفصص الشخصيات الموجودة في حياتك ونستبعد الابعد من انه يرتكب جريمة زي دي

رغد : إيمان _ مازن _ چنا _ سعيد _ زينب مراته _ معتز إبنه _ ريهام صاحبتي

كل دول في محيط البيت دا .. اما اللي موجودين في حياة بابا مكنتش أعرفهم كلهم ، واللي أعرفه مشكش فيه

يوسف : حلو .. تعالي بقا نحاول نستبعد

رغد : چنا أختي اكيد برا اللعبة طبعاً

يوسف : ريهام صاحبتك ؟

رغد : برا اللعبة بردو .. وحتي زينب مرات عمي مفيش أطيب من قلبها ولا أنضف منها

يوسف : معني كدا ا...

رغد : إيمان ، مازن ، معتز ، سعيد

يوسف : اممممم .. صعبة اوي

رغد : صعبة اكيد .. بس اللي اعرفه انك محامي محترف

يوسف : هنوصل وقريب جدا متقلقيش

بس الاكيد إننا مش هنكمل النهاردة عشان اليوم خلص يعتبر وانا مينفعش اتأخر عندكم اكتر من كدا انا في الأول والآخر ضيف

رغد بابتسامة : معلش تعباك معايا

يوسف بعد نظرة عميقة

"ياريت كل التعب يكون روحه خفيفة كدا "

رغد مفهمتش الجملة .. قامت توصله لباب الشقة ، نزل ركب عربيته ولسة هيدور .. تليفونه رن

يوسف : أيوة يا هشام

هشام : فينك ياعم عمال اتصل بيك من بدري منفضلي

يوسف : مش منفضلك والله ، شغل بس

هشام : شغل فين ؟

يوسف : كنت عند رغد ولسة نازل دلوقتي

هشام : يوسف .. الطريق اللي انت ماشي فيه دا خطر عليك ، واخرته مش حلوة خاااالص

يوسف : من امتى وانا بخاف من المواجهة ؟

هشام : رغد لو عرفت الحقيقة هتحرق المركب وسط البحر يا يوسف

يوسف : سيبها على الله .. انا بعمل اللي يمليه عليا ضميري ياهشام

هشام : هقابلك بكرا في الشركة عشان عايزك في موضوع مهم

يوسف : اشطة

هشام : أوعى متجيش بكرا يا يوسف ، المدير مستحلفلك

يوسف : ياعم اقعدلنا والنبي انت عارف إني كنت مكمل في الشركة دي لسبب واحد ، والسبب خلاص انتهى

وعشان كدا انا بفكر أفتح مكتب خاص بيا واخلع من الشركة دي بقا

دور العربية ، وبدأ يسوق

الشارع فاضي وواسع ..

هشام : يا يوسف انت كدا بتضيع حاجات كتير من ايد*ك وانت مش حاسس

العربية بدأت تروح يمين وشمال ويوسف بيحاول يوقفها مبتوقفش

يوسف : ياهشام انا عارف انا بعمل ااااايه

هشام : مالك يا يوسف بتزعق ليه كدا

يوسف بخضة : مش عارف الفرامل مالها عمال ادوس عليها مبتدوسش والعربية عمالة تتطوح

هشام : ااايه .. ازاي يعني

يوسف بيدوس على الفرامل اكتر مش بتدوس .. العربية بتجري وبتطوح يمين وشمال يمين وشمال

هشام : يووووسف في ايه

يوسف بيحاول يتصرف بأسرع ما عنده قبل ما يخبط في حاجة والعربية تسرع وتجري زيادة

وفجأة ...