«« شيزوفرينيا »»

البارت السابع ❤️🤍

يوسف دخل بينهم الاتنين وض*ب معتز بالدماغ طيره من قدامه ..

رغد صوتت وحطت ايدها على بوقها

معتز وقع في الأرض ، حط ايده على مناخيره لقاها بتجيب دم .. الغضب ظهر على وشه ولسة هيتعدل عشان يض*ب يوسف .. يوسف سبق ومسكه من قميصه بايديه الاتنين

يوسف : في يوم من الأيام كنت واقف في بيتك وقولتلك بالحرف " لو حطيتك في دماغي واكتشفت بجد انك بتجبرها علي حاجة هي مش عايزاها هزعلك "

حصل ولا محصلش ؟

معتز بيزقه : فييييييه ايه يابا انت فاكر نفسك مين عشان تدخل بين واحد وخطيبته .. وكمان بتض*بني ؟؟ دا انا هود*ك في ستين داهية

يوسف بيبص لرغد : خطيبته ؟؟

رغد بصت في الأرض بحزن وسكتت

معتز : اه خطيبته .. أي نعم لسة مفيش في ايديها دبلة بس قريباً هيكون فيه

يوسف بص لرغد بغصب ، وبعد دقيقة فرد وشه وبص لمعتز

يوسف : انا كدا فهمت ، وهكررلك كلامي للمرة التانية .. لو جيت جنب رغد بدون رضاها أيا كانت الأسباب انا هندمك ، فاهم

معتز : مبدأيا كدا ياباشا انا مبتهددش .. ثانياً بقا ، بصفتك مين بتقولي الكلام دا ؟

يوسف بص لرغد : ردي

رغد رفعت عينيها وبصت لمعتز وبثقة : بصفته المحامي بتاعي والواصي عليا يا معتز

معتز بيبرق : نعمممم ؟!!!

الواصي علي مين ياماما ؟

رغد : الواصي عليا يا معتز

معتز : ودا بأمارة ايه بإذن الله ؟

مسحتينا كلنااااا من حياتك وجايبة واحد من برا تخليه واصي عليكي .. !

رغد : أظن دا مش وقت كلللل الهري دا وانا لسة متطمنتش على أختي .. ممكن تدوني فرصة أروح اتطمن عليها وبعدين نكمل كلام ؟؟؟

يوسف بيبعد خطوات لبعيد .. مسح وشه واستعاد أعصابه

يوسف : اه يارغد يلا نتطمن عليها

رغد : نتطمن ؟

يوسف : من هنا ورايح رجلي هتكون على رجلك في كل مكان

رغد باستغراب : !!!!

ماشي

خرجت من الغرفة وراحت على غرفة چنا ووراها يوسف ومعتز .. وكانت چنا بتبدأ تفوق وقت دخولهم الغرفة

بتفوق وعلي ل**نها كلمة مبتغيرهاش "رغد"

جريت عليها رغد وقعدت تبوس وتحضن فيها " انا جنبك يانن عين رغد "

يوسف واقف باصصلها وصعبان عليه الموقف .. معتز بيبصله والغضب مسيطر علي ملامحه

?????????

*في بيت يوسف *

ايمان بتفتح الباب و داخلة على شهد الأوضة : بقولك ايه ياشهد

شهد بتتكلم في الفون ، اول ما لقت امها داخلة قفلت المكالمة بسرعة

إيمان : ايه دا ؟

مالك اتلجلجتي ليه اول ما دخلت كدا !

شهد : مفيش ياماما اتخضيت بس ، كنت بكلم صاحبتي

ايمان بتبصلها بشك : خلاص ماشي

المهم .. خالك لسة قافل معايا ، خطوبة حنان بنته الأسبوع الجاي وعايزنا نحضر

شهد : لا لا لا مليش انا في الحوارات دي ، روحوا انتو

ايمان : بقا كدا ياشهد ..

حتي دي مش هتطاوعيني فيها وهت**فيني قدام الناس ؟

شهد : ياماما مانتي عارفة انا بمل اوي من جو الأفراح والكلام دا

ايمان بخذلان : ماشي يابنتي على راحتك

سابتها وخرجت من الأوضة .. وعلى باب الأوضة كانت واقفة هاجر

بتطبطب على ايمان : متزعليش ياطنط وردة انا هقنعها متقلقيش

ايمان : ربنا يكرمك ياحبيبتي .. بس خلاص متتعبيش نفسك انا اتعودت منها على كدا ?

مشيت ودخلت هاجر لشهد

هاجر : ايه يابنتي هتفضلي مقضياها دب في خلق الله كدا علي طول ?

شهد : والنبي سيبيني عشان دي عيلة دماغها تعبانة أصلا

هاجر : بت ? عيب ايه اللي بتقوليه دا

شهد : يابنتي انتي متعرفيهومش قدي .. اااايه المشكلة يعني لما أقولها مش عايزة أروح فرح ، الدنيا وقفت ؟

هاجر : حرام عليكي ياشهد امك ملهاش غيرك وهتتحرج تروح فرح زي دا من غيرك

شهد : ربنا يسهل ياهاجر ?

?????????

*في المستشفي *

چنا فاقت وبدأت تكلمهم

رغد : حاسة بأيه دلوقتي ياحبيبتي

چنا : حاسة اني تعبانة مش قادرة أحدد ايه واجعني

رغد بتبوس دماغها : ياحبيبتي معلش .. شوية وهتبقي زي الفل

سعيد : بس انت مستغرب .. حضرتك واقف معانا دلوقتي بصفتك ايه يااستاذ يوسف ؟!

رغد : عمي دا ...

قاطعها يوسف : انا الواصي على رغد وچنا يااستاذ سعيد

سعيد : نعم ؟؟؟؟؟؟ واصي بمناسبة ايه ان شاء الله !!

يوسف : بمناسبة إن أخو حضرتك قبل ما يموت سلمني الوصاية على بناته الاتنين

وردة بصدمة : ايه الكلام دا ؟!

سعيد : بجد والله .. طيب ياحبيبي بما إنك واثق اوي كدا في كلامك ، وريني حاجة تثبت صحة اللي بتقوله ☺️

رغد اتوترت وبينها وبين نفسها "كل حاجة باظت " لكن تتفاجئ بيوسف بيحط ايده في جيبه وبيطلع ورقة

يوسف : دا الإثبات اللي حضرتك عايزه ؟ اتفضل

مسك سعيد الورقة قراها .. نزل ايده وبص لايمان

سعيد : كلامه مظبوط

معتز : حتي لو كلامه مظبوط .. رغد بتاعتي انا ومحدش غيري ليه الحق يبقي واصي عليها لو عمل قرد

سعيد : هي ايه الخبطة اللي في مناخيرك دي يامعتز ، انت اتعورت ؟

معتز بتوتر : اتخبطت في عامود وانا ماشي بس

رغد : انا خارجة اشوف الدكتور

خرجت من الأوضة وبعدها بدقيقة كان يوسف ماشي وراها

وقفت رغد مرة واحدة وبصتله بغضب

رغد : مش معنى إني اتصلت بيك ووافقت علي كلامك إنك تعمل كلل اللي عملته وتفضل معايا زي ضلي .. بس عموما شكراً

يوسف : شكراً على ايه ؟

رغد : أولا على انقاذك ليا من معتز في الوقت المناسب ..

يوسف : وثانيا ؟

رغد : على شنطة الحاجات الي جبتها ومن غير ماتعرفني ان انت كمان

يوسف : لا شكر على واجب يا رغد .. ممكن ترديلي الشكر بطريقة تانية

رغد : ايه هي ؟

يوسف : انك تردي على سؤالي ..

ليه غيرتي رأيك فجأة وقررتي تعرفي مين قتل والدك ؟

رغد : عشان اكتشفت ان مفيش شخص واحد حواليا ميتشكش فيه

يوسف : انا لو على نبدا من امبارح ، بس انا شايف الافضل ان احنا نطمن الاول على چنا

رغد : وانا كمان شايفة دا

يوسف : رغد انتي كويسة ؟

اتلفتت وبصت في عينيه وعيونها بتلمع

يوسف : لا لا انا كدا أقلق ?

رغد : تقلق ليه

يوسف : تعرفي إن دي أول مرة تبصي في عيني من ساعة ما شوفتك ؟

رغد : تعرف إني أول مرة حد يسألني انتي كويسة ؟

بصلها يوسف بعمق وعينه فيها كلام كتير مستخبي

رغد فاقت فجأة وبصت الناحية التانية

يوسف : شوفتي عِندك معايا وصلك لفين ؟

وصلك تتخطبي لواحد مش طايقة تبصي في وشه حتي

رغد : يوسف هو انت تعرف عني كل المعلومات دي منين ؟؟؟؟؟

يوسف : أول مرة كمان تقوليلي يوسف من غير أستاذ .. واضح إن فيه تقدم ?

رغد : متغيرش الموضوع من فضلك

يوسف : دايما لما حد يحب يعمل نفسه أبو العريف علي حد يقوله "انا اعرف عنك اللي أمك نفسها متعرفهوش"

وانا دلوقتي هكون اول شخص يقولك الكلمة دي صادقة بالمعني الحرفي

انا أعرف عنك اللي والدتك نفسها مكان ماهي متعرفهوش يارغد .. بس مش هيكون لمصلحتك إني اكشفلك كل ورقي دلوقتي .. سيبي كل مفاجأة لوقتها ?

رغد : امممم .. تمام

????????

*تاني يوم *

روحوا كلهم البيت ومعاهم چنا بعد ما اتحسنت عن ما كانت

*في أوضة چنا *

رغد : نورتي بيييتك يانوتلتي ???

چنا : سريري كان واحشني اوي

رغد : ريحي شوية على ماادخل اعملك شوية شوربة

خرجت من الأوضة .. وهي ماشية في الطرقة ومعدية جنب أوضة وردة ، سمعت وردة بتتكلم في الفون

وردة : متقلقش يا سعيد خلاص البت روحت البيت ورغد هانم اتطمنت عليها يعني مسافة كام يوم وهنعمل الخطوبة ، انا هكلمها النهاردة بإذن الله .. أهم حاجة متزعلش نفسك انت بس ياحبيبي الزعل وحش عشانك ??

الكلام وقع على ودن رغد وقعة الصدمة كالعادة .. بدأ مخها يعمل فلاش باك لكل حاجة قديمة ، لتعامل أبوها مع وردة ، لتعامل زينب مع سعيد ، لشكل أبوها وهو في الكفن

بدأت تمد وهي رايحة جاية في الشقة مش عارفة تعمل ايه توقف تفكيرها ومن نرفزتها دبت دماغها في الحيطة بأقوى ما عندها .. اتعورت ودماغها جابت دم

قعدت في الأرض تعيط من غلبها .. وفجأة قامت واتجهت ناحية مكتب سميح أبوها

????????

رغد بتفتح باب مكتب أبوها وداخلة لأول مرة بعد موته ...

ماشية بخطوات بطيئة وهي بتبص حواليها علي كل حاجة تخصه ، صوره دفاتره محافظه ريحته اللي مغرقة المكان كل حاجة ..

وصلت لحد المكتب وقعدت على الكرسي ، سندت دماغها على المكتب شوية وغمضت عينها وهي بتفتكر كل حاجة تخصه .. بتفتح عينيها شافت ورقة محطوطة على طرف درج المكتب ومتطبقة

فتحت الورقة ...

" الموت أصبح أقرب إلى من وريدي .. أصبحت أراه في كل مكان وفي كل الوجوه حولي "

سابت الورقة من ايديها .. اتصلت بيوسف من غير أي تردد

يوسف : الو ..

رغد : انا عايزاك حالاً