«« شيزوفرينيا »»

البارت السادس ❤️🤍

خرجت رغد على برا لقت خناقة في طرقة المستشفي وزعيق جامد وقفت وفي ايديها چنا يتف*جوا ومخضوضين .. جه الأمن لم الناس وخلص المشكلة

اتلفتت رغد ودخلت هي وچنا الاوضة تاني

دخلت الممرضة : الدكتور جه وأوضة العلميات جهزت .. جهزتيها

رغد بتبلع ريقها : ا... اه جهزتها خلاص

الممرضة : تمام يلا بينا

الممرضة اخدت چنا ولسة هتمشي بيها أول خطوتين .. رغد مسكت ايد چنا تاني وعينيها سايلة دموع

چنا وقفت وبصت في عيون رغد : مش انتي قولتيلي أول مااخاف اقرأ قرآن هلاقي ربنا بيساعدني و بابا وماما معايا ؟

رغد بعياط : اه ياحبيبتي قولتلك كدا

چنا : طيب ، انتي كمان غمضي عينك واعملي كدا وانا هدخل أنام شوية واخرج تاني زي ما قولتيلي

مسكتها رغد وقعدت تبوس وتحضن فيها جامد .. مسحت دموعها وقامت وقفت

رغد : يلا خلاص روحوا

الممرضة اخدتها وخرجت من الأوضة في اتجاهها لاوضة العمليات ... رغد بتتلفت علي السرير جنبها

شنطة كبيرة مكنتش موجودة قبل الخناقة اللي خلتهم يخرجوا من الأوضة !

رغد : ايه الشنطة دي ؟ ولو هي بتاعة حد تاني ايه اللي هيدخلها اوضتنا !!

لازم افتحها واشوف بتاعة مين عشان ع الأقل أروح اسلمها في الامانات

*بتفتح الشنطة *

ازايز ماية وعصير كتير ومعاهم طبق فيه سندوتشات لحوم ولانشون وجبن .. ازايز كحول ومعقمات ومناديل .. ووسط دا كله ظرف مكتوب عليه من برا "رغد "

*رغد استغربت وفتحت الظرف *

٣ رزم فلوس جنب بعضهم .. وجنبهم ورقة متطبقة

*فتحت الورقة *

عشان تقدري ت**دي الكام ساعة بتوع العملية وتكوني قوية وقت خروج أختك لازم تاكلي وتشربي كويس ، وطبعاً وجودك في المستشفي وسط الأمراض دي محتاج تعقيم على طول ? والأهم من دا كله ..

انا اه مقدرتش ادفعلك فلوس العملية عشان رفضتي ، بس إحساسي بالمسؤولية ناحيتكم هيخليني احلفك بحياة أختك تاخدي الفلوس اللي في الظرف دا عشان لو اتحطيتي في أي موقف *واعتبريهم سلف*

سابت الورقة وحطت ايديها على دماغها

رغد : ايه الراجل دا ??‍♀️ انا مبقتش فاهمة حاجة

لسة بتلم الحاجات عشان تحطها في الشنطة تاني .. وردة ومعاها معتز وسعيد أبوه داخلين من باب الأوضة

وردة : ايه يا رغد دخلت ولا لسة

رغد : دخلت ياابلة وردة

وردة : معلش بقا اتأخرت انتي عارفة انا مبعرفش اصحي بدري اوي كدا

رغد بخذلان : ولا يهمك

بصت لمعتز : وانت كمان مبتصحاش بدري يا معتز ؟

معتز بتوتر : لا طبعا بصحي بدري وكنت هجيلك من بدري اصلا بس حصل شوية ظروف كدا

سعيد : طيب مش هتروحوا تدفعي الفلوس في الحسابات بقا ولا ايه؟

يلا خدها يا معتز وروحوا ادفعوا الفلوس

رغد : لا ما واحد فينا بس اللي ي...

وردة : اه طبعا طبعا *بتزغرلها* روووحي مع خطيبك وانتي ساكتة ?

مشيت رغد معاه وهي مضروبة ٨٠ جزمة

راحوا على الحسابات دفعوا الفلوس ..

طالعين تاني على السلم عشان يرجعوا الأوضة ، رغد اتكعبلت كعبلة بسيطة

من غير أي مقدمات كان معتز بيمسكها بايديه الاتنين

اتعدلت بسرعة وزقته

رغد بغض : فيه ايه يامعتز !

معتز : مش قصدي والله انا بلحقك لا تقعي بس

رغد : متشكرة يامعتز ، بس من غير لمس بعد إذنك

معتز : حاضر .. انا هروح أجيب حاجات من العربية كدا وهرجع تاني

رغد : تمام

كملت طلوع علي السلم .. ماشية في الطرقة وبتقرب من باب الغرفة

سمعت صوت إيمان "ياسعيد خد بالك من نظراتك بعد كدا لا العيال يفهموا حاجة ?"

رغد برقت : نفهم ايه !

سعيد : ياوردة انا صابر بقالي سنين على اليوم اللي هقدر فيه اخدك وتكوني ملكي ، ومش قادر أصبر اكتر من كدا

وردة : ياراجل أصبر شوية دا انا حتي لسة مكملتش شهور العدة بتاعتي ولا حتى قسمنا الميراث

سعيد : خلاص مش هبين حاجة قدامهم .. بس ع الأقل دلوقتي محدش شايف حاجة

اتقدمت رغد خطوتين وبصت بعين واحدة جوا الغرفة

*سعيد بيحضن وردة *

برقت رغد وبعدت بسرعة لورا وهي مخضوضة ومصدومة صدمة عمرها

?فلاش باك ?

يوسف : ولو دلوقتي مش مقتنعة بكلامي دا ، الأيام هتلف وهتدور وهتعرفي ان الخطر جايلك من اقرب ناس حواليكي

?رجعت من الفلاش باك ?

جريت بعيد وقعدت على سلم المستشفي

فلاش باك على منظر الحضن وخيانة وردة لسميح ابوها ، فلاش باك كلام سعيد إنه ما صدق أخوه يموت ، فلاش باك على مازن اللي كان طمعان في فلوس أبوه ، فلاش باك على كل تصرفات معتز بعد موت أبوها

والأهم من كل دا .. فلاش باك على چنا وهي بتسيب ايد رغد وداخلة العمليات

دموعها نازلة بدون تحكم ... مسحت دموعها فجأة وطلعت الكارت من شنطتها

طلعت تليفونها وطلبت الرقم المكتوب ع الكارت

رغد : ألو ..

يوسف : اهلا .. عاملة ايه يا رغد

رغد : انا موافقة

يوسف : موافقة علي ايه !

رغد : موافقة ندور على اللي قتل أبويا

يوسف : ايه ? اللي انا بسمعه دا بجد

رغد : مش وقته استغراب والنبي .. تحب نبدأ من امتي ؟؟

يوسف : من النهاردة لو تحبي

رغد : تمام .. انا في المستشفي بنعم....

اه صحيح انا نسيت إنك عارف ، ماشي انا دلوقتي في المستشفي اتطمن على أختي بس ونشوف هنعمل ايه

يوسف : مفيش مشاكل ، ربنا يقومهالك بالسلامة يارب .. بالمناسبة صحيح

انا تحت المستشفي

رغد : نعم !

يوسف : كنت حاسس إنك هتحتاجيني بصراحة فقولت أسبق واجي

رغد : تمام كتر خيرك ، انا هقفل بقا عشان أروح أشوف العملية خلصت ولا قدامهم كتير

قفلت التليفون وقامت .. ماشية ناحية الغرفة بتقدم خطوة وتأخر ١٠

وصلت للغرفة .. خبطت على الباب قبل ما تدخل رغم إنه مفتوح

وردة : تعالي يا رغد أدخلي

رغد : اومال عمي راح فين

وردة : راح ي.... ، انا مالي انا يارغد ماتروحي تسأليه هو ، انتي شايفاني ولية أمره يعني ?

بصتلها رغد بنظرات قاتلة وعينيها بتطق شرار .. نزلت عينيها لتحت بسرعة عشان ميظهرش عليها أي حاجة

وردة : عينك وارمة ، انتي كنتي بتعيطي ؟

رغد : خايفة على چنا بس

الممرضة دخلت : آنسة رغد .. ممكن تيجي ثواني

خرجت رغد معاها على برا

رغد : ايه ياحبيبتي خير ، اختي كويسة ؟

الممرضة : اه اه كويسة متقلقيش .. كنت عاوزة أقولك بس متديش فلوس لأي ممرضة هنا خالص

رغد : اشمعنا ؟

الممرضة : فيه واحد تبع حضرتك جه الصبح بدري جداا دفع مبالغ محترمة لكل الممرضات اللي هنا بما فيهم انا ونبه علينا كلنا محدش ياخد منك جنيه وإلا هيقلب الدنيا

رغد : غريبة دي ! وكان مين دا بقا معرفتيش

الممرضة : لا مرضيش يقول إسمه بس دكتور ناصف اللي هيعمل العملية لرغد يعرفه وقالي إن دا أستاذ يوسف المحامي وموصيه عليكم جامد جداااا

رغد سرحت : بني آدم غريب اوي

عموماً خلاص ماشي شكراً ياحبيبتي

أمانة عليكي أول ما تعرفي أي حاجة تخص أختي قوليلي

دخلت الغرفة .. طلعت مصحف من شنطتها وبدأت تقرا فيه وتدعي لچنا والوقت يجري

?????????

يوسف تحت المستشفي رايح جاي بيفكر في مليون حاجة

التليفون رن .. طلعه ورد

يوسف : سلام عليكم .. ازيك يااستاذ خيرت

خيرت : بقا ينفع بردو التأخير اللي حضرتك عامله في قضيتي دا يااستاذ يوسف .. دا انا معطل كل حاجة عندي بسبب الحوار دا

يوسف : يااستاذ خيرت والله ما بمزاجي ، منا لو مش عايز امشي في القضية كنت اتحججت بأني كدا كدا مش بشتغل برا الشركة بس انا عشان حضرتك عزيز عليا أخدت القضية وباذل فيها كل جهدي بس الخ** بتاع حضرتك قوي جداً وخبيث ومقدم أدلة صعب تترفض

وعشان كدا لازم نفصص القضية حاجة حاجة عشان منديش فرصة لفشلها

خيرت : امممم

انا آسف يااستاذ يوسف والله معرفش إنك في دماغك الحوار ومركز فيه كدا انا متصل علي أساس نسيتني

عموماً حاول تخلصلي الحوار دا بأسرع وقت وليك عندي هدية محصلتش

يوسف : يا استاذ خيري ولا هديه ولا حاجه انا كفايه عندي بس إن الحق يرجع لأصحابه

?????????

معتز داخل من باب الغرفة ..

معتز : خدي يا رغد جبتلك عصير تشربيه عشان متدوخيش

رغد : شكراً يا معتز مليش نفس

معتز : دا ملوش علاقة بالنفس ياماما ، احنا لسة مش عارفين چنا قدامها في العمليات قد ايه

رغد بعصبية : خلاص يامعتز قولتلك مش عااايزة

وردة بتبرقلها : فيه ايه يارغد ماتتكلمي عدل

رغد بتجمع أعصابها : ماشي انا آسفة

انا مش هعرف أشرب ولا أكل لحد مااتطمن على أختي ياجماعة

وردة : خلاص يامعتز سيبها براحتها ?

رجعت رغد تقرأ في المصحف تاني

اتقدم معتز خطوتين وقعد جنبها وبدأ يتف*ج عليها وهي بتقرأ

صدقت وقفلت المصحف وبصتله

رغد : فيه حاجة يامعتز ؟

معتز : عادي بتف*ج عليكي ?

رغد : اممم .. طيب انا هقوم أشوف أي حاجة أعملها

لسة هتقوم لقت الممرضات جايين ووراهم التروللي اللي عليه چنا

اتلموا كلهم حواليها وأولهم رغد اللي بقت ماسكة ايد چنا وهي مش قادرة تسيطر علي دموعها لما شافتها خارجة من غرفة العمليات بخير

نقلوها على سرير .. خرجت رغد جري راحت للدكتور

رغد : ها يادكتور طمني

الدكتور : الحمدلله العملية نجحت وهي نص ساعة وهتفوق وهتبقي زي الفل

رغد : الحمدلله يارب ?? تسلم ايدك يادكتور

الدكتور : بس طبعا انتي عارفة إن المشكلة مش في العملية نفسها ، المشكلة في اللي بعد العملية

رغد : مش فاهمة ؟

الدكتور : ما قبل العملية دا أمره سهل وعدي خلاص ، بس للأسف بعد العملية بيكون فيه آثار جانبية طبعا نتيجة النخاع اللي اتزرع جواها

رغد : طيب والآثار دي ممكن توصل لايه؟

الدكتور : يعني .. شوية تعب وإرهاق ، ممكن شهيتها تتقفل وميبقاش ليها نفس للاكل .. شوية غثيان ، كدا يعني

رغد : طيب ومفيش علاج للحاجات دي

الدكتور : كل دي حاجات بسيطة وتعدي بمسكن ، بس الفكرة إننا مش عايزين نشغل معدتها بحاجات كتير لانها لسة هتاخد أدوية تمنع جهاز المناعة إنه يهاجم الخلايا الجديدة بتاعة زرغ النخاع

رغد : تمام .. ونقدر نخرجها امتي

الدكتور : للأسف احنا محتاجينها تفضل في المستشفي تحت العناية يوم ونص او يومين ع الاقل عشان نتابع الخلايا

رغد : امممم .. ماشي يادكتور عموماً انا هروح أشوفها كدا وبإذن الله هتابع مع حضرتك أول بأول

الدكتور : تمام تحت أمرك في أي وقت

سابت الدكتور وماشية في الطرقة .. ايد اتمدت من غرفة من الغرف ودخلتها

لسة هتصوت بعلو صوتها : في ااااااي...

حط ايده كتم بوقها

معتز : ملقتش طريقة اتلم عليكي بيها غير دي .. انا مقدر تعب أختك والموقف اللي انتي فيه ، بس انا خلاص تعبت من الطريقة دي ومن حقي تعامليني أحسن من كدا .. انا يعتبر خطيبك

شالت ايديه من علي بوقها بأقوى ما عندها

رغد : مبدأيا انت لسة مش خطيبي يامعتز ، وان كنت ساكتة فده عشان انا اضطريت اخد منكم فلوس عملية أختي ، ومجرد مااقدر ارجع الفلوس دي مش هتشوف وشي تاني

لسة هتبعد عنه شدها جامد وقبل ما تلزق في حضنه كان يوسف داخل بينهم الاتنين وبيض*ب معتز بالدماغ