HSBW#59
MUGTO ang mga matang nakatitig lang si Aloha sa salaming pintuan, kung saan nasa loob si Miss Nessa at inasikaso ng mga doctor. Magkasalikop ang dalawa niyang kamay at nakalapat iyon sa kaniyang dibdib. Tahimik siyang nagdarasal sa isip na sana ligtas si Miss Nessa at ang baby nila ni Phoenix.
Nagulat pa siya nang bigla na lang bumukas ang pinto at lumabas doon ang doctor.
"Chi è il parente di Miss Davis?" Napakurap siya nang tanging Miss Davis lang ang naintindihan niya sa sinabi ng doctor.
"Sono Seda, l'aiutante della signorina Nessa." ani Manang Seda at ito na ang humarap at nakikipag-usap sa babaeng doctor. Matagal ang mga itong nag-usap at puro tango lang si Manang Seda. Hindi pa rin humuhupa ang kaba niya dahil wala naman siyang naiintindihan sa mga pinag-uusapan ng dalaw
