HSBW#51
NAGISING si Aloha na parang bumabaligtad ang sikmura niya kaya agad din siyang napabalikwas ng bangon. Mabilis siyang bumaba ng kama at tumakbo patungo sa banyo. Mataas na ang sikat ng araw kaya malaya na siyang nakakagalaw ng hindi nangangambang mapatid ng anumang bagay na nakaharang sa dinadaanan niya dahil sa dilim.
Nang mailabas niya lahat ng mga kinain niya kagabi ay agad na siyang tumayo at naghilamos. Mabuti na lang at hindi siya nahihilo kaya makakilos siya ng maaga ngayon. Kailangan kasi niyang asikasuhin ang kuryente ng bahay nila pero bago iyon ay pupunta na muna siya sa sementeryo kung saan nakalibing ang kaniyang mga magulang at kuya Bernard. Dadalawin niya muna ang mga ito.
Pero nagulat na lang siya nang sa paglabas niya nang kuwarto ay may mga lalaking nagkakabit
