NAKASIMANGOT si Vanessa habang naghihiwa ng carrots para sa lulutuin nilang kaldereta ni Fern. Iyon kasi ang putahe na "specialty" ng mommy niya at itinuturo na sa kanya simula noong teenager siya.
"Ipinamana" pa nga ng mommy niya ang secret recipe nito para sa masarap na kaldereta, pero itinambak niya lang iyon sa mga gamit niya nang magkaroon siya ng sariling condo. Ngayon lang yata niya uli iyon inilabas at binuklat para makita ni Fern ang "secret recipe" at matulungan siya nitong lutuin iyon nang tama.
"Ang weird talaga ni Mommy," nakalabing reklamo ni Vanessa. "Bakit naman niya ire-request na panoorin tayong magluto, eh, hindi naman niya matitikman kung magagaya nga natin ang timpla ng ipinagmamalaki niyang kaldereta? Feeling ko, gusto lang niyang makilala ang 'boyfriend' ko na maru
