زينة... ❤

الفصل الثالث... 💔

عزت قرب من شادية وض*بها بالقلم وقال: انا شكلي فعلا معرفتش اربيكي ازاي تقعدي علي رجله بالمنظر دا انتي اتجننتي

رديت وقالت: في اي يا بابا انا معملتش حاجه لكل دا وكمان مروان ابن عمي عادي يعني فين المشكلة مش فاهمه

رد وقال: يا شادية انتي كبرتي مش هينفع االي بيحصل دا واحنا هنا في مصر مش لندن فلاظم تعرفي حدودك كويس يا حبيبي

جه فاروق وقال: في اي صوتكم عالي يا ولاد اي يا شادية اللي انتي لابسه دا مينفعش تلبسي كدا قدام خطيبك يا بنتي عيب

مروان بصدمه قال: خطيبها مين دا اللي خطيبها يا جدي انت بتقول اي لا مستحيل اللي حضرتك بتقوله دا مستحيل يحصل

رد بزعيق وقال: مروان من امتا وانت بت**ر كلامي شادية بنت عمك وانا مش هأمن حد عليها غيرك انت خلص الموضوع خطوبتك علي شادية الاسبوع الجاي

مروان مردش ومشي من الفيلا خالص وعزت قرب من ابوه وقاله: ربنا يخليك يا ابويا انا كدا لو موت هموت وانا مطمن علي بنتي وعارف كويس ان مروان هيحافظ عليها زي عينيه

فاروق رد وقاله: بعد الشر عليك يا ابني بلاش الكلام دا بقي وغير كدا دي حفيدتي ومحدش هيحافظ عليها زيه يلا بقي عشان ندخل ناكل سوي وحشتني الاقعده معاك

دخلوا كلهم وانا كل دا بتابع ب**ت مش عارفه مالي وليه بعيط وليه قلبي وجعني كدا فيها تي لما يخطب ولا يحب انا دخلي اي ميولع انا نش هشغل دماغي بيه خالص

وصل مروان الشركة ودخل وهو مش طايق نفسه وراح علي مكتب محمود علي طول وقال: فاضي ولا اي يا محمود انا محتاج اتكلم معاك شوية لاني كدا خلاص هتجنن

رد وقاله: في اي بس يا حبيبي مالك اي اللي حصل اقعد كدا واهدي وفهمني دا انا حته لو مش فاضي هفضي عشانك

قاله: انا مش فاهم حاجه يا محمود كنت فاكر اني كدا بعاقبها بس طلعت بعاقب نفسي ودلوقتي جدي عايزني اخطب بنت عمي ومش عارف اتصرف ازاي

رد وقاله: بنت عمك مين دي وازاي يعني تخطبها هو انت ليك بنت عم وانا معرفش دا انا اللي مش فاهم حاجه يا مروان

رد مروان بحزن وقال: يا محمود بنت عمي اللي كانت بره البلد رجعت هي وعمي وجدي سامحه ودلوقتي حدد ان الخطوبة هتبقي الاسبوع الجاي بس انا قلبي لسه مع زينه

رد وقال: بس دا غلط يا مروان زينه دلوقتي مرات جدك ومتنفعش ليك خالص انت كدا بضيع نفسك يا صحبي فوق ومالها بنت عمك مش يمكن تنسيك زينه وتبقي هي نصيبك

مروان بصله وقال: انا مستحيل حد يقدر ينسيني زينه يا محمود زينه ساكنه جوايا بتجري في دمي انا كنت غ*ي لما فكرت اعاقبها كدا منكرش ان بنت عمي حلوة بس مش هقدر

محمود فضل يفكر شوية وقال: خلاص يا مروان اخطبها واهي خطوبة مش جواز لحد ما نشوف لتنسي زينه او تحبك وساعتها تطلق من جدك بس ميكنش لمسها انت فهمني طبعا

رد وقال: ما دا اللي خايف منه بجد وبدعي من ربنا ميحصلش بجد وانا مجبور اسمع كلام جدي واهو اشوف زينه هتعمل اي المهم انت مالك وشك منور اوي كدا ليه اي الحكاية

محمود وهو بيضحك قال: ولا حكاية ولا حاجه عادي يعني هو حرام اضحك او اكون رايق شوية مالك يا جدع في اي

رد وقال: لا يا اخويا براحتك بس متاكد ان في سبب وراء الابتسامه الحلوة دي وهسيبك لحد متحكيلي لوحدك لما نشوف

محمود ضحك وقال: طب يلا بقي نشوف شغلنا احسن لانك بقيت رغاي اوي معرفش دكتور جامعي انت ازاي يلا يا عم اتفضل علي مكتبك

عند ندي كانت قاعده مع سهير راحت سهير قالت: ندي هو انتي اهلك فين ازاي بيسمحولك تباتي في الشغل وكدا

رديت بحزن بان في صوتها وقالت: انا اهلي اتوفوا من سنه في حادثة عربيه ومن ساعتها هربت من البيت واشتغلت في المستشفي عشان عمي كان عايز يجوزني لواحد قد ابويا الله يرحمه

سهير صعبت عليها ندي اوي وقالت: معلش يا بنتي الله يرحمهم اعتبريني امك انا من زمان نفسي يكون ليا بنت واهو ربنا حققلي امنيتي

ندي قامت وحضنت سهير وهي بتعيط وبتقول: ربنا يخليكي ليا يا رب انا مش عارفه اقولك اي بس بجد انا فرحانه اوي شكرا بجد

سهير ضحكت وقالت: بت انتي انا مش بحب النكد قومي يلا شغلي اغاني وجيبي ايس كرين بسرعه من الفليزر قبل ما محمود يرجع ويمنع كل حاجه دا صعب اوي

ضحكت ندي وفعلا قامت عملت كدا وكانت مبسوطة اوي بس ياتري اي المستخبي ليها.... دخلت المطبخ وانا بحاول انسي اللي شوفته ومعرفش ليه مش قادرة وبداءت اعمل الغداء لاقيت شادية دخلت عليا

وقالت: يا بتاعه انتي ياريت تقللي الزيت شوية في الاكل انا عايزة احافظ علي جسمي والدايت وياريت برضو الملح كمان

بصتلها بق*ف وقولت: بقولك اي مش عجبك اعملي اكل لنفسك او جيبي خدامه خصوصية ليكي لاني مش الخدامه اللي بابي جبهالك

رديت وقالت: انتي اتجننتي ازاي تكلميني كدا انتي فاكره نفسك اي انا باشارة مني هخلي جدو يرميكي في الشارع متنسيش اني هبقي مران الدكتور مروان

ضحكت وقولت: طب وريني هتقدري تعملي اي يا مرات دكتور مروان انا مستنيه اهو بس بسرعه وحياتك لاني مستعجله اوي اتف*ج وهجهز فشار عشان الف*جه تحلو

اتعصبت وقالت: ماشي انا هوريكي هعمل اي اصبري عليا ثواني بقي كدا..... ولاقيتها بهدلت شعرها ورشت الدقيق علي وشها وبداءت تمقل العياط وطلعت بره وهي بتزعق

وبتقول: يا جدو الحقني يا جدو اااه انا يحصلي كدا يا جدو انت فين يا بابا حد يرد عليا

طلع فاروق وعزت واتصدموا من شكلها وعزت قالها: اي دا يا شادية مين عمل فيكي كدا يا حبيبتي اهدي بس كدا وردي عليا في اي

رديت وقالت: البتاعه دي يا بابي دخلت عشان اشرب وغصب عني خبط فيها راحت جبتني من شعري وحطيت وشي في الدقيق انا بنتك يتعمل فيا كدا يرضيك

رد عزت وقال: اهدي بس يا حبيبتي اي اللي انتي عملتيه دا يا زفته انتي يرضيك كدا يا بابا انا بنتي يحصل فيها كدا تتهان في بيت جدها دا كلام

رد فاروق وهو بيزعقلي وبيقول: اي يا زينه اللي انتي عملتيه دا ازاي تعملي كدا اتفضلي حالا اعتذري منها واياك تعملي كدا تاني

بصتله وقولت: انا مجتش جانبها عشان اعتذر ولا لمستها حته هي اللي عملت كدا في نفسها انا ذنبي اي انا مش هعتذر لحد

فاروق بصلي بغضب وقال: زينه انا كلمتي تتنفذ انتي فاهمه يلا اعتذري حالا احسن ليكي او هتباتي النهارده في الجنينه ومن غير اكل

بصتله بصدمه وقولت: وانا موافقه ومش هعتذر لاني معملتش حاجه اعتذر عليها وبنت ابنك دي كدابة ومريضه والله

عزت قرب وكان هيض*بني بالقلم بس فجاه مروان مسك ايده وقال: معندناش رجال تمد ايدها علي الستات يا عمي ولا انتي نسيت العادات والتقاليد بتاعتنا

رد وقال: دي بتقول علي بنتي كدابة عايزني اسكتلها بص عملت فيها اي ومش راضيه تعتذر خلاص تنفذ كلام ابويا وهتبات في الجنينه ومش هتاكل لقمه النهارده

رديت بثبات وقولت: تمام معنديش اي مشكله خالص علي فكره هخلص الاكل وهنفذ الكلام دا عن اذنكم

في كافيه كان قاعد سليم مع خالد وبداء خالد يتكلم وقال بعصبيه: عملت اي ازاي الراجل دا قدر يدفع الفلوس دي كلها اي اللي حصل انا مش فاهم حاجه

رد وقال: انا عملت كل اللي اقدر عليه يا خالد بس مروان انقذها وقدر يدفع كل حاجه رغم المبلغ هيخليه يعجز بس برضو عمل اللي في دماغه

اتكلم خالد وقال: انا مش عارف دكتور مروان دا طلعلي منين هو عشان مقلب سخيف يدفع الملايين دي كلها ويجوزها جدو غصب عنها وياخدها مني

رد وقاله: هو في اي يا خالد انت ليه م**م علي البنت دي بس ثواني كدا هو جوزها لجدو مش ليه هو ازاي دا

رد بعصبيه وقال: معرفش ايمان قالتلي انه جوزها لجدو مش ليه هو وانا استغربت دا اوي بس اكيد عشان ينتقم منها بس برضو ازاي يدفع ملايين عشان انتقام

ضحك وقال: مش عشان انتقام هو بيحبها بس غروره راكبه وعشان كدا عمل كدا بس حلو دا كدا اللعبة هتحلو اوي متقلقش يا خالد زينه هتكون ليك قريب سيبها عليا انا

رد وقال: لما نشوف يا سليم بس دا لو محصلش هتبقي بدمر حياتي بي ايدك بعد ما ربتني كل دا لوحدك هيبقي موتي بسببك يا اخويا

سليم خاف علي خالد ما هو اخوه الوحيد وقال: بطل هبل مش هيحصلك حاجه وزينه هجبهالك بنفسي اصبر بس انت يا حبيبي وبلاش غباء تمتم

في بيت محمود ندي كانت واقفه في البلكونه ومحمود لما شافها ب*عرها راح عليها وقال: انتي يا محترمه ازاي تقفي ب*عرك كدا في البلكونه انتي اتجننتي ولا اي

رديت وقالت: في اي خضتني مش كدا مش تكح او تعمل اي حاجه وكمان فيها اي ما انا اصلا مش محجبه فين المشكله

اتعصب وقال: بقولك اي حته لو مش محجبه متدخليش البلكونه ب*عرك تاني مفهوم انا قولت اللي عندي تمام اتفضلي ادخلي

دخلت ندي وهي متعصبه ودخلت اوضتها ومحمود راح يطمن علي سهير ولاقها نايمه دخل غير هدومه وطلع علي المطبخ معرفش يعمل اي حاجه فراح خبط علي ندي وفتحت

فقالها باحراج: معلش يعني هو ينفع تيجي تعمليلي اي حاجه تتاكل انا كنت عامل حسابي اجيب وانا جاي بس نسيت وقولت اكيد في اكل هنا لو مش هتعبك يعني

اتحركت من غير ما ترد عليه علي المطبخ وبداءت تعمل الاكل وحطيته قدامه وهو حس انها زعلت فقال: هو ينفع يعني تقعدي تاكلي معايا انا مش بحب اكل لوحدي

رديت وقالت: انا كلت مع ماما الحمدالله عن اذنك هدخل انام وياريت تغسل مكان ما كلت لما تخلص تمام تصبح علي خير

محمود مسك ايدها وقال: انا اسف مكنش قصدي اتعصب عليكي بس انا شوفت واحد مركز معاكي واضايقت انتي دلوقتي من اهل بيتي

رديت وقالت: طب مش هناكل ولا اي علي فكره انا كنت مستنياك وعشان كدا كنت في البلكونه صعبت عليا وقولت هستنا ناكل سوي

ضحك وقال: يا ستي شكرا ممكن ناكل بقي هيغمي عليا خلاص والله حسي بمعدتي شوية يا حجه انتي ربنا يسامحك

ضحكت وقعدوا ياكلوا سوي وكل واحد فيهم جواه مشاعر كتير اوي مش مفهومه..... في بيت ايمان كانت قاعده وبتفكر هتعمل اي في اللي في دماغها دخلت مرات ابوها وقالت: وبعدين يا هانم **رتي دراعك عشان اخدمك ولا اي

رديت وقالت: عايزه مني اي دلوقتي يا سعاد متسبيني في حالي انا مطلبتش منك حاجه ياريت تخليكي في نفسك

ضحكت بخبث وقالت: عايزاكي توافقي علي العريس هو اه كبير شوية بس هيدفع كتير يا بت وشوية ويموت وتورثي انتي كل حاجه فكري كويس انا عايزة مصلحتك

رديت بزعيق وقالت: نهارك اسود عايزة تبيعيني بالفلوس دا انتي مش بتحسي خالص متروحي يا اختي جوزيه بنتك ملكيش دعوة بيا انا

قربت منها وقالت: يا بت اسمعي مني هت**بي والله انا بنتي للاسف لسه صغيرة وهو اصلا عايزاك انتي فكري دا انتي هتبقي هانم

زعقت وقولت: بقولك اي اطلعي بره احسن ليكي احسن والله هقول لابويا علي مصايبك وعندي الدليل وساعتها شوفي هيحصل فيكي اي ابعدي انا قولتلك اهو

رديت وقالت: هطلع دا انتي وش فقر خليكي براحتك هتعنسي ومش هتلاقي حد يشمك كتك الق*ف فاكره نفسك مين يعني اتنيلي

طلعت وايمان بداءت تفكر انها لازم تنفذ خطتها في اسرع وقت قبل ما الدنيا تبوظ في حياتها والست دي تقدر تقنع ابوها بالجواز دا...

خلصت الاكل وطلعت الجنينه بعد ما كل واحد راح اوضته وشادية راحت لابوها وقالت: بابا هو انت بجد هتخليني اتجوز مروان انا مش بحبه هو اه عجبني بس انا بحب جون

رد وقالها: الحب مش هيأكل عيش انتي لازم تتجوزي مروان لو اي حصل انسي جون دا خالص ولا عايزة تعيشي في فقر ولا تلبسي ولا تخرجي ولا في عربيه ولا لبس

رديت وقالت: لا لا مش هقدر حاضر هتجوزه بس هو مش طايقني خالص واكيد مجبور علي كل دا هعمل اي انا

قالها: اسمعي كلامي كدا بس وهو هيبقي زي الخاتم في صباعك وياريت علي قد ما تقدري تبعديه عن زينه دي لاني مش مرتحلهم

فضلت قاعده في البرد بره وبفكر في اللي وصلتله بسبب تهوري وفي وسط تفكيري حسيت بحد بيحط شال علي كتفي بصيت وكان مروان وقولت: انت بتعمل اي مش هينفع كدا جدك لو شافك مش هيسكت وهيفتكر حاجه غلط

رد وقال: متخفيش جدي مش كدا هو عارف اني شايفك مراته وكمان الجو برد عليك واحنا مش ناقصين تتعبي وتروحي المستشفي ونخدمك بدل ما انتي تخدمينا

رديت وقولت: شكرا يا مروان انت في كل مره بتنقذني وبدافع عني انا فعلا غلط في حقك كتير بس كنت طايشه ومش عارفه بعمل اي انا بجد اسفه ليك بتمني يجي يوم وتسامحني

رد وقالي: ياريتني اقدر انا اصلا مش قادر اشيل منك عشان اسامحك يا زينه بس خلاص فات الاوان انتي دلوقتي محرمه عليا

جه يقوم مسكت ايده وقولت: انت بتحبني يا مروان.........

ياتري اي اللي ايمان ناوية عليه..... وسليم عايز اي من مروان.... واي هيحصل بين محمود وندي..... وشادية هتسمع كلام عزت وتبعد عن جون ولا لا.... وعزت عايز اي غير الفلوس..... وفاروق هيفضل يعامل زينه كدا ولا اي..... واي هيكون رد مروان علي زينه.... هنعرف الحلقات الجايه.... انتظرونا.....