الفصل الثاني... 💔

2038 Words

روحت بسرعه اشوفه عايز اي وقولتله: خير عندك طلبات تاني نسيت تقول عليها يا عجوز انت لاقيته زعق وقال: بت انتي اي اللي عملتيه دا يعني اطلب قهوة تحطيلي فيها ملح انتي اتجننتي ولا اي مخك كان فين رديت وانا مصدومه وقولت: ملح لا والله محصلش يمكن مخدتش بالي انا اسفه يا عجوظ حقك عليا هخالي بالي المره الجاية قرب مني ومسك وشي وقالي: بت انا اسمي فاروق بيه انتي فاهمه بطلي تقولي يا عجوز احترمي نفسك انا جوزك خوفت منه وقولت: حاضر يا فاروق بيه انا اسفه هدخل اعملك قهوة غيرها حاضر بس سبني وشي وجعني اوي والنبي زقها وقال: غوري من وشي واعملي حسابك النهارده هاخد حقي منك عشان تعرفي كويس مين هو اللي عجوز غوري من وشي طلعت جري وانا خايفه منه وبدور علي اي حل اعمله عشان الراجل دا ميقربش مني قال فاروق بيه قال انا هوريك هعمل فيك اي محمود اخد ايمان يوصلها وهي كانت عايزة تركب مع مروان بس هو رفض لان وراه مشوار وفي الطريق ايمان قالت: هو استاذ مروان ساكن فين عشان ابقي اروح لزينه رد محمود وقال: خدي رقمي ولما تحبي تروحي اتصلي بيا وانا هوصلك معنديش مشكلة وحقيقي اسف علي اللي حصل رديت وقالت: تمام ماشي ممكن كمان يومين كدا ان شاء الله وخلاص محصلش حاجه الحمدالله انا تمام وصلها ومشي علي بيته واول ما دخل امه قالتله: اي اللي رجعك بدري كدا يا حبيبي في اي انت كويس محمود مبتردش عليا ليه رد وقالها: انا اهو يا امي متخفيش تعالي بس اقعدي انتي قومتي ليه بس استريحي يا حبيبتي وقوليلي خدتي علاجك ولا لسه قالتله: الممرضة الجديده لسه مجتش يا ابني وانا مش عارفه مكان العلاج فين خوفت اقوم واخبط في اي حاجه وانا مش شايفه فقولت هستناك فجاه الباب خبط ودخلت الممرضة الجديده: انا اسفه جدا علي التاخير غصب عني والله الطريق كان صعب اوي بكرر اسفي تاني محمود بزعيق: دي اول واخر مره تتاخري فيها انتي فاهمه ولدتي في علاج بتاخده ومينفعش فيه تاخير والاكل كمان كل حاجه بمواعيد رديت سهير امه وقالت: بس يا ابني كفايه محصلش حاجه لكل دا اكيد هي مكنش قصدها معلش يا بنتي هو بس خايف عليا رديت ندي وقالت: محصلش حاجه يا مدام وانا بجد بعتذر علي تاخيري وان شاء الله مش هتتكرر تاني هروح اجهز لحضرتك الاكل وجايه اول ما مشيت قالت سهير: براحه يا ابني مش كدا هي البنت متاخرتش اوي دوال هما خمس دقايق بس مش هياثروا في حاجه روح طيب خاطرها بكلمتين بقي رد وقالها: خلاص محصلش حاجه دي مجرد ممرضه يعني هروح انا اغير هدومي وهاجي يا امي ارتاحي انتي يا حبيبتي مشي محمود وهو حاسس بالذنب فراح لندي المطبخ وقالها: بقولك اي انا اسف علي طريقتي بس انا مش بحب التقصير بالذات لو ليه علاقة بامي فمتزعليش ابتسمت ندي ومسحت دموعها وقالت: محصلش حاجه ودي اخر مره هخلي بالي بعد كدا ان شاء الله يا استاذ محمود ممكن بقي تتفضل عشان الحق اخلص الاكل بسرعه رد وقالها: ماشي يا ستي بس ياريت متزوديش الملح والشطه عشان هي متتعبش عن اذنك وصل مروان البيت كنت خلصت الاكل وطلعه علي السفرة واقعد اكل هو وفاروق جده وبعدين قاله: بقولك اي يا مروان انا بفكر مخلهش تروح الكلية تاني اي رايك رد وقاله: لا يا جدي مش لدرجادي دا مستقبلها برضو وزينه متفوقة جدا حرام نقعدها في اخر سنه نبقي نودي معها الحرس وخلاص قال: خلاص ماشي يا ابني اخبار الشغل اي معاك انا عارف ان الحمل تقيل عليك بس اعذرني انا بمشي اللي اقدر عليه من البيت رد وقاله: ولا يهمك يا جدي دا شغل العيله برصو ودا واجبي هقوم اجيب مياه واجي لاني عطشان جدا عن اذنك دخل مروان المطبخ وشافني قاعده علي الترابيزة وبعيط والاكل قدامي واتكلم ببرود وقال: مش بتاكلي ليه واي كل العياط دا طلعتي بتعرفي تعيطي اهو يا ست زينه رديت بوجع وقولت: انت عايز مني اي مش حققت انتقامك ودمرتني بجوازتي من جدك سبني في حالي بقي ومتدخلش في حاجه تخصني قالي: تصدقي انا غلطان اتحرقي بس من راي متتعبيش نفسك لان دموعك مش هتساعدك في حاجه خالص روحت قايمه ووقفت قدامه وقولت: انت ازاي ا من فترة كنت بتعترفلي بحبك ودلوقتي بي ايدك جوزتني لجدك اي الجبروت اللي فيك دا يا شيخ انا عمري ما شوفت كدا في حياتي مسكني وزقني علي الحيطه وقال: ولسه هتشوفي اكتر واكتر دا كمان تدين تدان يا ست زينه القلب علي قد ما بيحب علي قد ما بيكرهه ضحكت وقولت: اللي بيحب مستحيل يكره يا دكتور ولو سمحت ابعد عني متنساش اني دلوقتي مرات جدك ولمستك ليا فحد ذاتها غلط مروان بعد وقالي: ماشي يا مرات جدي بتمنالك حياة سعيدة عن اذنك..... مشي مروان وانا مكنتش عارفه مالي ليه قلبي بيدق اوي كدا من قربه ليا وازاي قدرت اقوله اني مرات جده بس يستاهل مش هو اللي عمل كدا يستحمل بقي دخلت ندي بالاكل والعلاج اوضة سهير وقالت: اتفضلي يا فندم الاكل اهو لازمي تخلصيه كله عشان العلاج بتاع حضرتك تامريني بحاجه تاني رديت وقالت: متزعليش يا بنتي من محمود هو صعب شوية بس والله طيب جدا عارفه ان المفروض يعتذرلك بنفسه بس انا بعتذرلك بالنيبة عنه يا حبيبتي رديت ندي وقالت: لا خالص محمود بيه اعتذرلي بنفسه وهو مغلطش كله من خوفه علي حضرتك والغلط عندي انا استغربت سهير وقالت: محمود اعتذرلك بجد لا مش مصدقة طب كويس دي بداية مبشرة ربنا يهديه يا رب المهم متكنيش زعلانه بقي قالتله: لا خلاص مفيش حاجه ممكن يلا اكلك بقي عشان كدا اتاخرنا اوي علي معاد العلاج ايوة كدا برافو عليكي وبعد ما خلصت سهير الاكل واخدت العلاج ندي قالت: تمام تقدري ترتاحي دلوقتي وانا في اوضتي لو احتاجتي اي حاجه تقدري تض*بي ااجرس هتلاقيه اهو جانب المخده رديت وقالت: ربنا يخليكي يا بنتي يارب روحي ترتاحي وانا هنام لاني تعبانه تصبحي علي خير خلصت كل حاجه وخلاص طالعه الاوضة وانا مش عارفه هعمل اي في فاروق مستحيل اسمحله يقربلي ابدا دخلت الاوضة وهو كان في الحمام بسرعه قفلت عليه وسمعته بيقولي: انتي يا بهيمه ياللي بره مين اللي قفل الباب دا افتحي احسن ليكي يا زينه لو طلعت مش هرحمك ضحكت وقولت: ما هو عشان كدا مش هتطلع ابدا خليك محبوس جوه نام في البانيو بقي خليه ينفعك تصبح علي خير يا جدو اقصد يا فاروق بيه فضل يزعق كتير لحد ما تعب حسيت بالذنب فخط بطانية ومخده ودخلت براحه كان نايمه في البانيو يا عيني قولت حرام راجل كبير وروحت حطيت المخده تحت راسي وغطيته وطلعت بسرعه قبل ما يصحي تاني يوم صحيت وفتحت الباب وروحت خرجت من الاوضة خالص ونزلت احضر الاكل قبل ما يصحوا لاقيت الباب بيخبط فروحت افتح اتفاجيت براجل كبير شوية وبنت شابه بلبس مايع اوي زقتني ودخلوا استغربت وقولت: انتوا رايحين فين وعايزين مين وازاي تدخلوا بالشكل دا هي زريبة ولا اي انا بكلمكوا اي مبتسمعوش رديت شادية وقالت: بقي انتي اللي ضحكتي علي جدو واتجوزتيه شكلك مش سهله قوليلي خدتي منه كام عشان تقبلي رديت وقولت: جدو بت انتي احترمي نفسك احسن والله هجيبك من شعرك انتي فكراني اي لا دا انا احسن منك ومن عشرة زايك رد عزت وقال: انتي ازاي تردي علي اسيادك بالشكل دا شكل اهلك معرفوش يربوكي ومحتاجه تربية اطلعي يا بت صحي فاروق بيه كنت هرد لاقيت مروان نزل وقال: البت دي اسمها زينه وياريت تتكلم معاها باحترام يا عمي لان هي ست البيت دلوقتي جريت شادية وحضنته وقالت: مروان ازايك كبرت اوي بس زي القمر وحشتني بقالي كتير مشفتكش يا ابن عمي رد وقالها: عيب كدا يا شادية هو عمي معلمكيش ان مينفعش تحضني راجل غريب ولا اي في اي يا عمي رديت وقالت: في اي يا مروان هو انت تفكيرك رجعي اوي كدا ليه دا انت حته راجل اعمال ودكتور وعارف ان الكلام دا عادي رد وقالها: ايوة بس انا راجل شرقي برضو اللي بتقوليه دا عند الاجانب مش هنا خالص ياريت تلتزمي حدودك شوية يا بنت عمي نزل فاروق وهو بيقول: انت اي اللي جابك هنت يا عزت وانتي واقفه كدا ليه روحي علي المطبخ يلا شوفي اللي وراكي رد عزت وقال: وبعدين يا بابا هتفضل لحد امتا واخد علي خاطرك مني دا انا برضو ابنك واللي فاضلك في الدنيا دي زعق وقال: انا اسمي فاروق بيه يا عزت فاهم وابني مات من زمان من يوم ما عصيت كلامي واتجوزت الامريكانية وفضلتها عن بنت عمك رد وقال: قولتلك بحبها وبنت عمي كانت هتتظلم معايا سامحني يا ابويا انا اسف اني **رت كلمتك انا خلاص مبقاش في العمر كتير خليني اقضي اللي فاضلي هنا جانبك شادية بصت لابوها وقالت: بابا انت بتقول اي انا مش فاهمه حاجه انت ليه بتتكلم بالطريقة دي واي الكلام دا رد وقال: لازم تعرفي انا جبتك مصر ليه يا شادية وانت لازم تعرف انا رجعت ليه انا خلاص مبقاش فاضلي كتير جالي المرض الوحش وخلاص ايامي بقيت معدودة فاروق حس بالخوف علي ابنه وقال: بعد الشر عليك بلاش الكلام دا ان شاء الله هتكون كويس يا مروان خلي الخدم تطلع الشنط فوق يا حبيبي وخد بنت عمك وصلها اوضتها عزت باص ايد ابوه وقال: ربنا ما يحرمني منك ابدا يا حبيبي الحمدالله اني هموت هنا وسطك انت وابن اخويا الف حمد وشكر ليك يارب قاله: بس يا واد بطل كلامك دا بقي الله هزعل منك والله وهطردك بره انت متعرفنيش يلا اطلع ارتاح لحد ما الاكل يجهز ابتسم عزت بخبث وطلع علي فوق وفاروق فرح ان ابنه رجع لحضنه....... في الجامعة خالد شاف ايمان وبسرعه راح وقالها: هو اللي سمعته دا صح زينه اتجوزت جد دكتور مروان ضحكت ايمان وقالت: ايوة وقعت واقفه بنت الايه محظوظه من يومها بس انت مالك زعلان كدا ليه في اي رد وقالها: انتي بتهزاري يا ايمان ما انتي عارفه اني بحب زينه من بدري عامله فيها ع**طه ليه هي ازاي وافقت علي حاجه زي دي اصلا رديت وقالت: ومتوافقش ليه يعني دا اكبر رجل اعمال في مصر دي هتعيش احلي عيشه وكمان اطمن اللي اعرفه انه مجبره علي الموضوع دا خالد رد وقال: انتي بتقولي اي من امتا زينه حد بيعرف يجبرها علي حاجه انتي نسيتي زينه ولا اي يا ايمان دا لو مين زينه مش بتعمل غير اللي هي عايزاه وبس ضحكت وقالت: بس زينه معندهاش اهم من ابوها واللي عرفته ان ابوها كان هيعلن افلاسه ويمكن عشان كدا وافقت عشان تنقذه خالد فضل يفكر شوية وقال: بس انا مستحيل اسكت زينه ليا انا وبس انا هتصرف وهاخدها من الراجل العجوز دا انتي لازم تروحيلها قالت: كدا كدا ناوية اروحلها بس يومين تلاته كدا انت مش شايف دراعي متجبس ازاي بس اشمعنا انت ناوي علي اي رد وقال: هقولك بس تنفذي كل اللي هقواه بالحرف الواحد.......... وبعد ما خلص قال: ها فهمتي ولا اي ضحكت وقالت: يخربيت دماغك طلعت مش سهل خالص ماشي تمام هشوف هروح امتا وهعرفك وربنا يستر بقي في بيت محمود صحيت ندي وخرجت بالترنج وهي متوقعه ان محمود راح الشركه بس فجاه لاقيته في وشها اتصدمت وجريت علي الاوضة وهو فضل يضحك عليها لبست وخرجت وقالت: انا اسفه افتكرت حضرتك مش هنا بجد اسفه هخالي بالي بعد كدا بس حضرتك مخرجتش ليه لحد دلوقتي رد وقالها: حبيت افطر مع امي النهارده معرفش ان في واحده هتطلع وهي عامله زي العفريت كدا وتخضني اتصدمت ندي من كلامه وقالت وهي مضايقة: انت قصدك اي مين دي اللي عفريته دا انا قمر هو في حد زي انت بس اللي مش بتشوف كويس ابقي كشف نظر وانت بتكشف لمامتك ضحك وقال: اه ما انا واخد بالي يا بنتي انتي شعرك كان واقف وكنتي ضايعه خالص انا مكنتش اعرف ان البنات بتقوم منظرها كدا ندي كانت هتعيط ومحمود حس انه زودها فقال بسرعه: اهدي بس في اي انا كنت بهزار معاكي والله متزعليش انا اسف انتي والله قمر بصتله وقالتله بكل براءه: بجد انا قمر يعني مكنتش وحشه وعفريته زي ما انت قولت..... ضحك وقال: واحلي من القمر كمان يا ستي ولا تزعلي نفسك مبسوطه كدا ضحكت وقالت ب**وف: شكرا اتفضل انت عند مامتك وانا بسرعه هجيب الفطار والعلاج وجاية وراءك علي طول عند شادية فوق لبست هوت شورت وبلوزة حمالات ونزلت الجنينه كان مروان قاعد براه وبيقراء كتاب راحت وقالت: انت قاعد لوحدك كدا ليه وبتقراء اي رد وقالها: دا كتاب عن الاداب وبحب اقعد لوحدي وانا بقراء بس اي اللي انتي لابسه دا يا شادية هو انتي مش ملاحظه انه اوفر شوية فجاه قامت شادية وقعدت علي رجل مروان وقالت: وفيها اي يعني انا في الفيلا مش الشارع وبعدين كل لبسي كدا عادي يعني مروان كان هيقوم بس شافني وانا جايه عليه فسابها وقال: بس تعرفي شكلك زي القمر كدا.... فجاه سمع صوت حد بيزعق قام مصدوم..... ياتري خالد هيعمل اي هو وايمان.... وعزت ناوي علي اي.... ومروان هيعمل اي مع شادية.... ومحمود وندي اي هيحصل بينهم.... واي حكاية امه العامية.... وفاروق عايز اي من زينه.... وزينه هتعمل اي بعد ما شافت شادية علي رجل مروان.... ومين اللي زعق وصدم مروان.... هنعرف الحلقات الجاية... انتظرونا....

Free reading for new users

Scan code to download app

App Store Google Play

Facebookexpand_more