زينة... ❤

الفصل الخامس... 💔

اتوترت وقولت لشادية: دي منار صاحبتنا وهي منقبة وطبيعي مش بتبين وشها لحد انتي اكيد متعرفيش حاجه عن الكلام دا عن اذنكم بقي

بصيتلي بغيظ وانا سبتها وطلعت اوضتي واول ما دخلت بصيت للبنت المنقبة وقولت: خالد اي الجنان اللي انت عامله دا ليه عامل في نفسك ا وجاي هنا ليه انا مش فاهمه حاجه

خالد رفع النقاب وقال: جاي عشانك يا زينه انا خايف عليكي ومش عارف الناس دي ممكن يعملوا فيكي اي جيت عشان اطمن عليكي انتي عارفه انتي عندي اي

رديت وقولت: يوووه احنا مش هنخلص من السيرة دي بقي متسبني في حالي يا كريم قولتلك احنا اخوات وبس انت ليه مش عايز تفهم انت كدا هتعملي مشاكل انا في غني عنها

قرب مني ومسكني من دراعي وقال: مش هفهم يا زينه انا بحبك ومستحيل اسيبك للراجل العجوز دا انتي لازم تهربي معايا انا هجهز كل حاجه بس انتي وافقي

اتصدمت من كلامه وقولت: انت اتجننت يا خالد عايزني اهرب واسيب جوزي سيبك منه بس ابويا انت عايزني افضحه لا مستحيل دا انا وافقت عشانه امشي يا خالد وشيل الجنان اللي في دماغك دا

اتكلمت ايمان وقالت: في اي يا زينه انتي مستحيل تكوني حبيتي الراجل الخرفان دا فيها اي لما تمشي مع خالد دا بيحبك وعايز مصلحتك

بصتلها وقولت: هو انتي في اي انا مش فاهمه اصلا ازاي قبلتي تشاركي في اللعبة الحقيرة دي بجد مكنتش اتوقع دا منك يا ايمان

ضحكت وقالت: لا يا حبيبتي اتوقعي حته بصي انا زي الفل اهو الجبس دا ملهوش لازمه دي لعبة مجبتش همها للاسف

اتصدمت وبقيت ببصلهم هما الاتنين وقولت: انتوا بجد شاربيين اي مستحيل تكونوا في وعيكم بقولكم اي خدوا بعدكم وامشوا قبل ما حد يشوفكم ونروح في ستين داهيه

ندي دخلت تدي العلاج لسهير وهي متوترة وبان في صوتها فسهير قالت: مالك يا ندي في اي انتي كويسه صوتك متغير اي اللي حصل ومين اللي كان بيزعق تحت من شوية

رديت ندي وقالت: دا معتز ابن عمي كان جاي ياخدني غصب عني ومحمود وقف في وشه ومنعه الحمدالله وجت سليمه

رديت وقالت: طب الحمدالله يا بنتي انك بالف خير بس مالك انتي ليه مش مبسوطه في حاجه تانيه حصلت مخبيها عليا

ندي توترها زاد وقالت بخوف: بصراحه يا مدت سهير محمود قالت لابن عمي اني مراته وعايزني اجهز نفسي عشان هيكتب عليا بليل انا اسفه والله عارفه اني جلابة مصايب بس انا غصب عني انا مستعدة امشي خالص

سهير مسكت ايد ندي بالعافية وقالت: بس بس في اي لكل دا اهدي مالك وفيها اي لما تتجوزي محمود ابني هو هلاقي ليه عروسة احسن منك يا حبيبتي متقلقيش انا معنديش اعتراض وعارفه كويس ان ابني هيعرف يحافظ عليكي

وقبل ما ندي ترد فجاه باب الشقة ات**ر وسمعوا صوت ض*ب و**ر تحت ومره واحدة دخل عليهم شباب باسلاحا وخ*فوهم ندي في لحظتها من غير ما حد يحس اتصلت بمحمود وبداءت تعمل اصوت عشان هو يفهم

بصت لواحد من الشباب وقالت: حرام عليكوا انتوا عايزين مني اي سبوني في حالي طب خدوني بس سبوها هي ملهش ذنب في كل دا

واحد رد وقالها: اسكتي بقي مش عايز اسمع صوتك خالص انتي اي مش بتفصلي لو مسكتيش هقتلك انت وهي ومش هيفرق معايا حاجه خالص انا قولت اهو

ندي سكتت والخط فضل مفتوح مروان بص لمحمود وقاله: في اي مالك وشك مخطوف كدا ليه مين اللي علي التلفون حصل اي يا محمود انطق متوقعش قلبي

محمود رد وقال: ندي وامي اتخ*فوا بس لحسن الحظ ندي اتصلت بيا والخط مفتوح اهو احنا لازم نلحقهم قبل ما يحصلهم حاجه

مروان حاول يهديه وقال: طب براحه متقلقش هنلحقهم بس لازم نبلغ البوليس الاول عشان يكونوا معانا لو حصل حاجه ولازم نعمل تتبع لتلفون عشان نحدد المكان

محمود قام بسرعه مع مروان والخط مفتوح زي ما هو وراحوا علي قسم البوليس وبداءوا يتعقبوا التلفون.... ايمان نزلت هي وخالد عشلن يمشوا بس قبل ما يخرجوا فاروق وقفهم

وقال: اي يا بنات ما لسه بدري هو انت لحقتوا ولا معندكوش كلام تقوله لبعض خليكوا خليكوا دا احنا لسه هنتغداء كلنا سوي

ايمان رديت بتوتر وقالت: لا شكرا يا جدو معلش احنا مستعجلين عندنا امتحانات ولازم نذاكر كفايه اننا اطمن علي زينه عن اذنك بقي

فاروق سابهم يمشوا وقبل ما يخرجوا من الفيلا شادية اتكلمت وقالت: اي دا بس استنوا دي اللعبة لسه هتحلو تعالوا تعالوا

فاروق اتكلم وقال: في اي يا شادية سبيهم يا بنتي ربنا يعينهم عندهم مذاكرة وامتحانات مينفعش نعطلهم هيبقوا يجوا تاني

شادية نفضلت لكلام فاروق وبصلت لخالد اللي لابس منقية وقربت منه وقالت: طب اي يا منار مش ناوية توريني وشك ولا اي او علي الاقل نسمع صوتك ولا حرام

ايمان فضلت تبصلي عشان اتصرف وبسرعه قولت: سبيها يا شادية اصلا منار بطبعها خجولة اوي فبلاش تضغطي عليها اللي جاي كتير ان شاء الله

فجاه لاقيت شادية بتضحك وبتقول: لا ممثلة شاطرة اوي تصدقي مكنتش اعرف يا زينه طب استني بقي لازم اعرف الكل علي منار هانم

فجاه شادية شالت النقاب عن وش خالد وظهر وش بنت ودا كان صدمه للكل وانا وايمان بصينا لبعض وضحكنا وشادية بصيتلنا وقالت: ازاي دا حصل مستحيل انا شوفته بي عيني مستحيل اكون عامية يعني

ضحكت وقولت: سلامت النظر يا حبيبي تعيشي وتاخدي غيرها بقي يلا بقي عن اذنك محتاجه ارتاح ابقي طمنوني لما توصلوا يا بنات

ايمان مشيت هي والبنت وشادية بقيت متغظة اوي وطلعت علي اوضتها وانا روحت اوضتي وفضلت اضحك وانا بفتكر اللي حصل...

لما كونا بنتكلم شوفت انعكاس صورة شادية في المرايا وعرفت انها سمعتنا وحبيت احراجها قدام الكل وقولت: خالد انت لازم تخرج من الشباك دا شادية سمعت كل حاجه واكيد هتفضحني اتصرف

ايمان بصتلي وقالت: طب ومين هيخرج مكانه احنا داخلين اتنين هنحلها ازاي دي انتي بتعقديها اكتر كدا يا زينه

قولتلها: متقلقيش انا هتصرف اتصلي بمنار صحبتنا تيجي وهدخلها من الباب التاني وهي اللي هتاخد مكانه لما نشوف ست شادية هتعمل اي

رجعت بتفكيري وانا بضحك علي منظر شادية ومش قادرة انساه وفي نفس الوقت بعتب علي ايمان ازاي توافق علي اللي حصل دا لو كنت اتقفشت كنت هعمل اي الحمدالله انها عدن علي خير

في النادي عزت كان قاعد ومع واحده بتضحك بدلع وبتقول: تصدق وحشتني اوي يا عز عاش من شافك كويس انك رجعت مصر واكيد ايام الشقاوة هترجع

ضحك وقالها: انتي مش بتتهدي يا سوزي خالص مالك في اي انا عايزاك في شغل فكك من الكلام التاني دلوقتي دا ليه وقته يا حلوة

رديت وقالت: وخير بقي اي الشغل اللي حضرتك عايزني فيه اكيد حاجه كبيرة دا انت بتاع الكبير كله يلا سمعاك قول

ضحك وقال: دايما كدا قفشني ماشي يا ستي في واحد حبيبي كدا عايزاك تواقعيه وهقولك ازاي وعايز كام راجل معاكي يكونوا محل ثقه

استغربت وقالت: مين الراجل دا وعايزني اوقعه ازاي يعني مش فاهمه واي لازم الرجال في الحكاية دي لا انتي تفهمني براحه كدا

رد وقال: انا هفهمك كل حاجه اسمعيني كويس............. وبعد ما خلص قال: ها كدا فهمتي الموضوع دا لازم يتم في اسرع وقت وفي سرية تامه طبعا

ضحكت وقالت: مش بقول مش سهل ماشي يا سيدي طلباتك اؤامر بس بقولك اي متيجي نروح الشقة بتاعتنا زي زمان عايزاك في كلام كتير

بصلها وهو بيضحك وقال: وقال اي انا اللي مش هبطل شقاوة ماشي يا حلوة يلا بينا اهو الواحد يرجع شوية من ايام زمان وينشط الذاكرة

وصل مروان ومحمود المكان اللي اتخ*فت فيه ندي وسهير والبوليس كان معهم بداء يدخل واحده واحده كانت ندي بتعيط وبتقول: حرام عليكوا كفايه قولتلكم سبوها هي انا موجوده اهو واكيد انا هدفكم عايزين منها اي بقي

ضحك واحد وقال: دا الباشا طالبها بالاسم عشان يعلم حبيب القلب الدرس يا قطة اسكتي بقي وكفاية وجع دماغ الباشا علي وصول

بعد شوية فعلا الراجل وصل وكان معتز بص لندي وقال: نورتي يا بنت عمي بقي كدا تتعبيني معاكي بالشكل دا بس يلا مش مهم في النهاية محدش هيقدر ياخدك من تحت ايدي خلاص

ندي بصتله بق*ف وقالت: انت اتجننت رسمي حرام عليك بقي ارحمني ذنبها اي الست الغلبانه دي انت اي مش بتحس دي واحده كفيفه ليه تدخلها في لعبتك الحقيرة دي

ضحك وقال: مش انتي اللي دخلتيهم من الاول استحملي بقي وبصراحه حابب اعلم علي حبيب القلب بتاعك اهو اتسلي شوية ما انتي عرفاني

رديت وقالت: سيبها يا معتز انا معاك اهو واللي عايزوا هعمله بس هي سيبها لابنهم هما ملهمش ذنب ارجوك

ضحك وقال: تصدقي صعبتي عليا خلاص يا قطة انا قررت انا هخليكي ملكي وبعدين هرميكي للراجل اللي ابويا اختاره ما انتي عارفه من بدري عيني منك وهموت عليكي

وبداء يقرب من ندي بس فجاة الحكومه هجمت عليه وقبضت علي الكل وبسرعه محمود راح يفك امه ومروان فك ندي وهي جريت علي حضن محمود وقالت: انا بجد اسفه كل دا بسببي انا حقك عليا انا همشي والله خلاص عشان تكونوا بخير بتمني تسامحوني

قبل ما ندي تتحرك سهير مسكت ايدها وقالت: راحه فين يا مرات ابني مينفعش تسيبي جوزك وتمشي مهما حصل دا مش صح يلا بينا احنا عندنا كتب كتاب وليله

ندي عيطت اكتر وحضنت سهير وقالت: حته بعد دا كلوا انا بجد مش عارفه اقولك اي بس اظن ان محمود خلاص مش مجبر علي الموضوع دت معتز خلاص اتقبض عليه كتر خيره لحد كدا

محمود بصلها وقال بعصبيه: بطلي كلام كتير ويلا علي العربية الماذؤن زمانها جاي وقبل ما تسالي كتير هرد علي كل حاجه بعد كتب الكتاب زي ما وعدتك يلا بقي

شادية كانت قاعده في اوضتها متغظه اوي من اللي حصل وفجاه تلفونها رن مكالمة فديو من جون بسرعه فتحت الكاميرا ورديت وهي فرحانه اوي ونسيت كل حاجه

وقالت: جون حبيبي وحشتني اوي انت مش عارف اليومين دوال عدوا عليا ازاي بجد انت مش ناوي تيجي مصر انا محتاجك جدا

رد وقالها: اجي اعمل اي يا حبيبتي ما انتي عارفه انكل عزت مش بيحبني خالص ولو شافني مش هيحصل كويس وهتقوم مشكله كبيرة انتي خلصي زيارتك وارجعيلي هستناكي

شادية اتكلمت وقالت بتوتر: بصراحه يا جون انا احتمال مرجعش تاني وبنسبة كبيرة هتجوز مروان ابن عمي بس صدقني انا بحبك انت

اتعصب وقالها: انتي بتقولي اي يا شادية دا مستحيل يحصل انا مش هسمحلك تعملي كدا ولو فكرتي توافقي بس هتشوفي الوش التاني مني ومتنسيش صورك وحاجتك اللي معايا

شادية اتصدمت وقالت: جون انت بتقول اي انت بتهددني انا لا مستحيل تكون جون حبيبي اي اللي حصلك فوق كدا وركز معايا انا شادية

جون حاول يهدي عشان ميخسرش كل حاجه وقالت: انا اسف يا حبيبتي بس انا مستحيل اتخيل تكوني لحد تاني وعندي استعداد اعمل اي حاجه مهمة كانت اعذريني

ابتسمت وقالت: متقلقش يا روحي انا هعرف اتصرف واحل المشكلة دي انا اصلا مش هقدر اتعامل مع مروان دا وقلبي عايزاك انت وبس

قفلت شادية وهي متعرفش ان في عيون بتراقبها وسمعت كل حاجه.... في فيلا محمود كان وصل ومروان جاب الماذؤن وكتب الكتاب وقال: بارك الله لكما وبارك عليكما وجمع بينكما في خير

مروان بارك لمحمود وقال: خالي بالك منها البنت شكلها طيبة وملهش حد بلاش تيجي عليها وخف اعصابك عليها تمام استخدم عقلك او قلبك شوية يا صحبي

محمود ابتسم وقال: متقلقش يا مروان انا عارف بعمل اي كويس وانت كمان خالي بالك انت داخل علي مرحلة خطر اوي

مشي مروان وسهير خدت علاجها ونامت وندي فضلت قاعده مستنيه محمود يتكلم ويجاوب علي اسئلتها...... خالد راح لسليم وهو متعصب اوي سليم استغرب منظر اخوه اللي ميبشرش بالخير خالص

وقال: في اي يا خالد مالك ومين اللي بهدلك بالشكل دا اي اللي حصل فهمني يا ابني رد وبطل طرقتك دي في اي

خالد رد بزعيق وقال: زينه اتجننت بتفضل الراجل الكبير العجوز دا عليا انا هي ليه مش بتحبني فيا اي يتعايب انا مش فاهم دا انا مش شايف غيرها

سليم رد وقال: اهدي بس يا خالد انا مش فاهم حاجه وانت شوفت زينه فين اصلا واي الللي حصل احكيلي براحه كدا

خالد حكي كل حاجه لسليم وراح سليم ض*به بالقلم وقال: انت غ*ي مش قولتلك تصبر انت ليه مش بتسمع الكلام لو كنت اتقفشت دلوقتي كونا عملنا اي يا ابني اكبر واعقل بقي

رد وقاله: غصب عني يا سليم والله بحبها ومس عايز غيرها في الدنيا دي ساعدني عشان خاطري انا من غيرها ممكن اموت

سليم فضل يطبطب علي اخوه وهو بيفكر ازاي يحل المشكلة دي من غير ما يخسر اخوه.... مروان رجع البيت كنت انا واقفه في الجنينه جانب حمام السباحه وهو بيقرب مني بس فجاه سمعت بيصرخ باسمي

وبيقول: زينه حاسبي اتحركي بسرعه يلا يا زينه اتحركي انا بكلمك امشي من مكانك دا بسرعه يلا انتي سمعاني

مكنتش قادرة افهم هو عايز اي لحد ما فجته محستش بالدنيا واخر حاجه سمعتها صوت الطلقة اللي جت فيا وبعدها وقعت في حصن مروان وقولت: مروان انا.... بحبك..... واغمي عليا

ياتري مين سوزي واي حكايتها..... وعزت عايز اي.... وشادية هتعمل اي عشان جون.... واب حكاية جون..... وايمان ناوية علي اي.... وخالد هيعمل اي بعد رفض زينه ليه.... وسليم هيتصرف ازاي في مشكلة اخوه.... وندي ومحمود هيعملوا اي.... ومين ض*ب زينه بالنار.... واي هيحصلها.... واي هيكون رد فعل مروان بعد اللي حصل وبعد كلمة بحبك.... هنعرف الحلقات الجاية... انتظرونا.....