"Do you want to make it permanent, Aiah?"
Mahina lang ang pagkakabigkas sa tanong na iyon, bahagyang natabunan pa ng mga boses at ingay sa paligid, idagdag pa ang pag-alingawngaw ng tinig ng event host mula sa sound system. It was almost a whisper but it surely reached her ears. Napahinto ang pagsimsim niya sa inumin at dahan-dahang nag-angat ng mukha. Sumalubong sa kanya ang intensidad ng mga titig ni Jacob. Pilit niyang inaarok ang kislap na nakapinta roon. There was something in his beautiful gray eyes.
Piping hiling? Imposible.
"Huwag kang bumitaw ng mga salita na hindi mo kayang panindigan. Besides, nagbibiro lang ako." Yet, she was never the joking type.
Mabilis niyang iniwas ang paningin pagkatapos. Pakiwari niya kasi ay napapaso siya sa paraan ng mga titig ni Jacob sa kanya a
