Ramdam ni Aiah ang tensiyon na namumuo sa dibdib niya habang naglalakad kaagapay si Jacob sa lobby ng isang five-star hotel na pinuntahan nila. Pakiramdam niya ay bumabaligtad ang kanyang sikmura. Ito ang pinakaunang beses na makikilala siya ng publiko bilang maybahay ni Jacob Samaniego.
'This is it, Aiah. Ipanatag mo lang ang loob mo.'
Convenient nga naman ang okasyon. Pawang mga may sinasabi sa buhay lang ang mga naroroon. Sino nga naman ba ang makaka-afford mag-bid ng mga auctioned items kundi ang mga mayayaman lamang. 'Yong mga tinaguriang mga elite.
‘Nandito din kaya si Tita Jocelle?’ she wondered.
Hati ang puso at isip niya. Nahihiya at nami-miss niya ang butihing ginang. Kung sakaling nandito ito, paano kaya niya ito pakikiharapan matapos pakasalan ang supposedly ay fiancé ng
