"HUWAG! Parang awa n'yo na ho, pakawalan n'yo na ako!" Paulit-ulit na sigaw nito habang hindi pa rin naiiba ang ayos mula sa pagkakahiga.
"Althea?" Sinubukan niya itong tawagin pero walang naging pagtugon mula sa dalaga. At nang muli itong magsalita, tuluyan na siyang naalarma.
"Isusumbong ko kayo sa Papa ko! Lagot kayo kay Tita Jackie kapag nahuli niya kayo!" sigaw nitong muli kaya naman natiyak niyang ang nakaraan nga ang napapanaginipan ng dalaga. Naikwento na sa kanya nina Jaz at Carlo ang tungkol sa nakaraan ni Althea kaya nagkaroon siya ng clue kung ano ang nangyayari. Binabangungot na naman ito ng multo ng nakaraan. Hindi siya nag-aksaya ng panahon. Kinabig niya ito para maitihaya ang dalaga. Nagtagumpay siya pero hindi pa rin ito dumidilat. Sa malamlam na liwanag na nagmumula s
