NANG malapit ng dumilim ay nagsimula siyang mag-alala. Paano'y biglang naipon ang makakapal na ulap at lumikha iyon ng kakaibang dilim sa paligid, kahit pa nga ba papagabi na. Siguradong napakalakas ng ulan kung babagsak ang mga iyon ngayong gabi. At kapag nagkataon, hindi niya kayang hayaan na lang na mabasa ng ulan sa labas ang binata, habang siyang ay nakasilong sa loob. Siguradong hindi siya magdadalawang isip na papasukin sa loob si Dimmitry. Pero kaya niya kayang tagalan na makasama ito sa napakaliit na lugar sa buong madamag? Iyon ang tanong na umuukilkil sa kanyang isip nang mga sandaling iyon. Paano kung manginig siya bigla sa kalaliman ng gabi?
"Bahala na. Hindi ko na lang siya titingnan. Ayoko rin namang magkasakit siya habang nandito kaming dalawa. Mas lalong hindi ko kayang h
