WALANG kibo si Dimmitry nang bumalik sila sa kubol. Kanina lang ay ramdam na ramdam niya ang pag-aalala nito pero ngayon ay mukhang galit ang binata. Napansin niya iyon dahil mula nang bumaba sila sa batuhan ay hindi na siya nito kinausap. Inalalayan nga siyang makababa pero hindi naman siya nito kinikibo. Gayunman ay hindi na lang siya umimik. Ayaw din naman niyang siya ang unang magbubukas ng usapansa pagitan nilang dalawa.
Nang sumapit ang tanghalian ay inihaw na malaking ibon naman ang inihaw ng binata. Naisip niyang siguro ay huli nito iyon noong nawala kaninang umaga.
"Kain na," anito bago ilapag sa harap niya ang karne ng ibon na bagaman hindi niya alam kung kaya niyang kainin, nanunuot naman sa kanyang ilong ang napakabangong amoy niyon. Ang kumakalam tuloy niyang sikmura ay ma
