NAIWAN na naman siyang mag-isa. Gayunman ay sinunod niya ang bilin ni Dimmitry. Gamit ang mga tuyong sanga ng punongkahoy na dala rin ng binata buhat sa kakahuyan, ginatungan niya ang siga gaya ng bilin nito. Malaking bagay din iyon, kung sakaling may dadaang barko ay mas mabilis silang makikita.
"Ang suplado naman ng isang 'yon! Masyadong nagalit sa p********l ko kahapon. Kung tutuusin naman, may dahilan naman kung bakit ko 'yon nasabi! Pinagsalitaan din naman niya ako ng hindi maganda, ah!" inis na bumalik siyang muli sa kubol, saka pasalampak na umupo sa mga dayami. Pero maya-maya lang ay muli siyang bumalik sa siga para dagdagan pa ng gatong ang apoy niyon. Baka nga mamatay ang apoy ang magalit sa kanyang lalo si Dimmitry. Naisip niyang hindi dapat galitin ngayon ang binata. Sobrang
