Chapter 31
-Ella-
Pasado ala-siyete ng gabi kami dumating nila Lola at Gift dito sa bansa, mahigit sa tatlong taon din ang lumipas bago kami nakabalik ng bansa. Ang totoo ay nababalot ako ng takot at kaba dahil sa malaking posibilidad na magkikita kaming dalawa ni Maxwell, kaya naman balak kong huwag maglalabas ng bahay nila Carol ng sa ganon ay hindi magtagpo ang landas namin habang naririto pa kami ni Gift. Pero alam kong kahit na anong iwas ang gawin ko ay kung tinadhanang magkita kaming muli at tiyak na iyon ang mangyayari. Kaya naman naisip kong ihanda na lang ang aking sarili kung sakaling dumating ang araw na yon ngayon.
Kanina pa ako tumatawag kay Carol pero hindi nito sinasagot ang tawag ko, nag-aalala akong nakalimutan ng mga ito ang araw ng dating naming kaya hindi ako tin
