Caroline's POV
"Napakaganda mo, Anak." Madamdaming saad ni Mommy. Nginitian ko na lang siya ng tipid. Batid ko na masaya siya dahil sa kasalang ito na hindi ko alam kung bakit dahil hindi ako naniniwala na ipinakasal lang nila ako dahil sa pagrerebelde ko. Beach wedding ang tema ng kasal ko. Ang motif ko'y kakulay ng isang rosas na sobrang pula na hinaluan ng puti. Napakaganda at napakaelegante ng pagkakaayos.
Nakaharap ako sa whole body mirror at hinihintay na lang ang oras ng paglalakad ko sa mahabang aisle na inihanda ng mga ito. A Christian Wedding para daw mabasbasan kami ng pastor at mapayuhan ng mabuti sa magiging pagsasama namin ni Daxen.
"Nandito na ang groom," sabi ng wedding coordinator ko.
"Okay, Tessa. Pababa na kami." Nakangiting sabi ni Mommy. Napaka Aliwalas ng mukha
