Caroline's POV
Masakit at namumugto ang mga mata ko ng ako ay magising kinabukasan. Masama rin ang pakiramdam ko, siguro ay dahil sa pagbabad ko ng katawan kagabi sa tubig. Tinatamad akong tumayo. Pumunta na ako sa banyo para maligo. Pagkasarado ko ay nakarinig ako ng munting katok na nanggagaling sa labas ng aking banyo.
"Carol, anak. Bumaba ka na raw sabi ng Mommy at Daddy mo. May darating daw kayong bisita." Boses iyon ni Yaya Esme.
Bisita? Sino na naman kayang bisita O baka ipapakilala na naman nila ako bilang tagapagmana nila. Well, sanay naman na ako doon dahil palagi nila iyong ginagawa. Kapag nasa harap kami ng mga investor pakiramdam ko napaka-special ko dahil kung ikwento nila ako ay para akong isang perpektong anak.
"Okay Yaya, tatapusin ko lang po itong paliligo ko at baba
