--------
***Elara’s POV***
-
Hindi ko pa rin maipaliwanag ang kaba ko habang nakaupo sa waiting area ng clinic ni Dr. Fatima. Ilang araw lang ang nakalipas nang magpatingin ako sa midwife sa amin. Akala ko routine check-up lang, pero nang ilagay niya ang maliit na doppler sa tiyan ko, napakunot siya ng noo, saka ngumiti.
“Malakas ang t*bok, Elara,” sabi ng midwife. “Mas malakas kaysa karaniwan sa ganitong stage ng pagbubuntis. Wala namang masama, pero para makasiguro tayo na maayos ang lahat, magpatingin ka sa OB-GYN. Magpa-ultrasound ka. Irerekomenda ko si Dr. Fatima — magaling siyang doktor.”
Kaya heto ako ngayon, hawak-hawak ang referral letter, at kahit may kaunting kaba, may halong tuwa rin sa dibdib ko.
Pagpasok ko sa loob ng clinic, agad akong sinalubong ng amoy ng alcohol na
