"I am happy for her, Doc. Thank you!"
Dahan-dahan kong iminulat ang mga mata ko nang may marinig akong nag-uusap. Nang tuluyan ko nang maaninag ang nasa harapan ko ay napapikit ulit ako dahil sa sobrang liwanag. Unti-unti kong inalala ang mga nangyari bago ako makatulog at nang maalala ko iyon, bigla akong bumangon.
"Hey, careful, careful!"
Napatingin ako sa humawak sa akin at laking gulat ko nang makita ko si Liliana. Hindi nga ako nagkakamali, siya ang babaeng tumulong sa akin kanina bago ako nawalan ng malay. At ngayon, nasa hospital room na ako kasama ang isang doktor.
"Salamat po, Ma'am, sa pagtulong. Pero kailangan ko na pong umalis—"
"Wait, it's not good for the baby!"
Bigla akong natigilan nang sinabi iyon ng doktor sa akin. Napatitig na ako sa kanilang dalawa dahil baka ma
