Natigilan kaming dalawa nang bigla naming marinig ang isang pamilyar na boses. Kaagad kong pinunasan ang mga luha ko upang hindi ako mahalata. Nang makalingon na kaming dalawa ni Cha, laking gulat na lang namin na makitang nakatayo sa harap ng pintuan si Senyorito Hadji habang gulat na gulat ang mukha.
"S-senyorito..." mahinang usal ko sa kaniya sabay yuko. Nanginginig ako sa kaba dahil mukhang narinig niya ang usapan naming dalawa ni Cha tungkol sa pagbubuntis ko.
"Explain to me what I've just heard," seryoso nitong pahayag at tuluyan nang pumasok sabay sarado ng pinto. "Did you just say that you're pregnant with Benedict's child?"
Huminga na ako nang malalim. "H-hindi po, S-senyorito--"
"Sabihin mo na lang kay Senyorito, Rose, at nang matulungan ka niya," pamimilit pa sa'kin ni Cha.
