40. Traitor?
ITO ANG kauna-unahang pagkakataon na nalasing sila nang ganoon katindi. Parang iyakan version point two ang nangyari. Iyon kase ang unang beses na naglabas ng mga iniisip, sama ng loob at hinanakit si Blaze sa buhay. Napakahirap niyon para sa bunso nila ngunit maaaring dahil sa sobrang bigat ng pasanin nito ay hindi na napigilang ilabas iyon.
Dahil sa mga sinabi ni Blaze, mas naintindihan nila kung bakit ganoon na lamang kung umasta ang bunso nila sa harapan ni Goldee.
Walang panghuhusga na narinig sa grupo bagkus pinili nilang umitindi at umunawa. Iyon ang pinakamahalagang pundasyon ng isang pamilya. Kung wala sila niyon ay hindi magtatagal ang grupo. Kilala nila ang isa’t isa ngunit hindi sapat na dahilan iyon upang mahulaan nila ang tumatakbo sa utak ng isa nilang mi
