MAGTATATLONG buwan na ang lumilipas, mahigit tatlong buwan na rin ang relasyon nina Ema at Nicholas. Masaya si Ema sa piling ng kasintahan. Walang araw na hindi nito naiparamdam sa kanya ang pagmamahal nito.
At isa na namang panibagong araw. Inihatid siya nito sa trabaho. Madalang lamang na hindi siya nito nagagawang maihatid o masundo sa tuwing abala ito sa tambak na trabaho, at naiintindihan niya. Nagko-commute na lamang siya at inaasikaso ito kapag dumarating na ito sa bahay.
"Jake! Bilisan mo at tumawag ka ng ambulansiya!" sigaw at hysterical na utos ni Jessica sa kasamahan nila habang kalong nito ang walang malay na si Tricia.
Nabigla siya sa nabungarang pangyayari. Hindi mapalagay ang mga naroon sa kusina at alalang alala sa kalagayan ni Tricia.
Mabilis siyang lumapit kay Jessica
