INIHATID si Ema ni Nicholas kinaumagahan sa trabaho niya. Pagkapasok pa lamang niya sa kusina ng restaurant ay naging mailap siya sa mga kasamahan.
Wala siyang mukhang maihaharap pagkatapos ng pangyayari kahapon. Ang pag-amin ni Nicholas sa relasyon nila sa harap ng maraming tao.
"Good morning, Ema!" masiglang bati ng mga katrabaho sa kanya.
Bahagya siyang nag-angat ng tingin sa kanila at tipid silang nginitian. "Magandang umaga rin sa inyo," mahina ang boses na bati niya pabalik.
Nagtakip siya kaagad ng mukha at mabilis na pumasok sa locker area. Ini-lock niya ang pinto at sumandal doon. Huminga siya ng malalim para kumalma.
Nagbihis siya pagkatapos makapag-isip ng maayos at noong lumabas siya'y nagsimula na siyang magtrabaho. Hindi na rin siya pinakiusapang bumalik sa pagtulong sa d
