UNDERSTATEMENT kung sasabihin kong nagulat ako nang makita ko si Tray na kasama sina Maggie at Olen.
Nasa coffee shop kami para i-finalize ang group project namin. Nag-CR lang ako saglit para mag-retouch para fresh ako kapag sinundo ako ng boyfriend ko. Hindi ko inexpect na lalabas siya ng kotse. No'ng sabihin niyang susunduin niya ko, ang inakala ko eh hihintayin na lang niya ko sa labas.
Pero heto si Tray ngayon. Ka-share sa mesa sina Maggie at Olen. Halatang nahihiya pa rin siya pero nakikipag-usap na siya sa classmates ko.
Uyyy... improving si bebe boy ko!
"You're here, Tray," nakangiting bati ko sa kanya.
Like what I expected, tumayo agad si Tray para humalik sa pisngi ko. 'Tapos, pinaghila niya ko ng silya. Nang umupo naman ako, mabilis niyang hinubad ang jacket niya para itakip
