Blake
Pagkaalis ko kina Alexene ay dumeretso na kaagad ako sa bahay namin. Sa bahay nina mommy at daddy. Miss na miss ko na rin sila dahil nga simula nang makasal kami ni Alexene ay ngayon ko na lang ulit sila makikita. Nakakaisang busina pa lamang ako sa harapan ng malaking gate ay kaagad na iyong bumukas. Mabilis ko ng ipinasok at iginarahe ang aking kotse. I'm sure, magugulat at matutuwa sina daddy sa pagdating ko. Hindi ko naman kasi sila nasabihan na dadating ako.
"Hijo, anak!"
Hindi pa ako tuluyang nakakababa sa kotse ay narinig ko na ang boses na iyon ni mommy. Sinasabi ko na nga ba eh, napakabilis talaga ng pang amoy nitong si mommy.
"Mom, never ko pa talaga kayong nagulat habang may ginagawa kayo sa loob. Lagi at lagi niyo akong sinasalubong dito pa lang sa hardin," natatawa k
