Pasakay na sana si Michael sa kanyang kotse nang gabing 'yon para lisanin muna ang lugar na 'yon at maghanap ng lugar kung saan niya maaaring ilabas ang sama ng kanyang loob ay siya namang pagsulpot ni Monique.
"Babe."
Napapikit siya nang saglit hindi para damhin kung gaano kasarap pakinggan ang katawagang 'yon, kundi dahil sa inis na kanyang nararamdaman dahil kahit na anong taboy ang gagawin niya rito ay hindi pa rin siya nito tinatantanan.
Dahan-dahan niyang ipinihit ang kanyang sarili paharap dito.
"Why are you still here?" tanong niya rito.
Agad namang lumapit sa kanya ang dating nobya at mabilis na hinawakan ang kanyang braso.
"Let's talk first, okay?"
Agad niyang iniwaksi ang kamay nitong nakahawak sa kanyang braso.
"How many times should I tell you, Monique that we are al
