“Bilisan n’yo ang kilos,” sambit ko sa mga kasama kong halos hindi na mahila mula sa pagkakahiga nila. Tila mga sisiw na nasa loob ng itlog. “Sinabihan ko na kayo kagabi na huwag masyadong magtagal sa pagligo, pero hindi kayo nakinig,” dagdag ko nang hindi pa rin sila bumabangon.
Pagod na pagod siguro ang pakiramdam nila ngayon dahil ang tagal nilang natapos naligo sa talon. Ilang beses ko na silang tinawag. Akala ko nga noong unang umahon sila ay babalik na kami sa pinaglatagan namin ng higaan, pero hindi. Gusto lang pala nila akong ayain na tinanggihan ko dahil ayokong kasama sila na wala silang kahit na anong saplot sa katawan.
“Bumangon na kayo,” muli kong sambit at hindi napigilang manginig dahil sa lamig na dala ng hangin. Mas makapal din ang hamog sa paligid, sa kadahilanang may m
