Narrator’s Point of View
Nang tuluyang lamunin ng dilim ang imahe ni Clastine sa mga mata ni Leo ay binalingan na niya ang dungeon guide na nakatingin lang din sa direksyon kung saan nagtungo ang babae. Kitang-kita sa mga mata nito ang pag-aalala.
“Bakit kasi hindi mo na lang sabihin sa kanya na nag-aalala ka para sa kaligtasan niya?” sambit niya sa dungeon guide kaya agad itong napatingin sa kanya. Lumobo pa ang pisngi nito bago umirap.
“H-Hindi ako nag-aalala sa kanya, ‘no!” sagot nito bago pinag-krus ang magkabilang kamay sa kanyang dibdib. “Kung anu-ano ang sinasabi mo riyan,” dagdag pa nito kaya napangiti na lang si Leo bago umiling.
“Sige, sabi mo, eh,” aniya at hindi na nagsalita pa dahil ayaw na niyang makipagtalo pa sa dungeon guide.
Hindi niya talaga maintindihan si Amara ku
