Nakarating sila sa resort ng ligtas. Mamayang alas-kwatro ng hapon ang kasal kaya tumuloy muna sila sa isang malaking cottage na laan sa kanila. Nang tignan ni Hera ang oras, alas-dies pa lamang ng umaga at masyado silang napaaga, o mas tamang sabihin na talagang inagahan niya para makita niya agad si Zic.
"Total maaga pa naman, why don't we try maligo muna sa dagat?" aniya sa dalawa na nagliwanag naman agad ang mga mukha. Halatang gusto rin eh
"Good Idea, magpapalit muna ako ng swimsuit. Buti na lang talaga nagdala ako," nakangising sabi ni Lexie sa kanila.
"Just like me, " sambot niya. Hindi siya papahuli, nagdala rin siya ng kanyang swimsuit dahil balak niya talagang maligo sa dagat, matagal-tagal na rin kasi since 'yung last ligo niya sa karagatan.
"E ikaw Nisha? May dala ka ba?"
