CHAPTER 101
ARWIN POINT’S OF VIEW
(UNDISPUTED NOVEL OF JOEMAR ANCHETA)
Gumulo ang lahat nang unti-unting bumalik sa akin ang mga alaala namin ni Breana. Kahit sabihing kasabay ng pagbalik ng alaala ko ang katotohanang mas mahal ko si Breana ay hindi ko na mababawi pa ang kasal na naipangako ko kay Anne. Ang ikinabuti lang ng pagbalik ng alaala ko ay mas nagiging malinaw sa akin kung bakit may kakaiba akong nararamdamang pumipigil sa galit ko noon sa tuwing nakikita ko si Breana nang mga nakaraang mga buwan mula bumalik ang aking alaala. Luminaw din kung bakit siya ang laging kasama ko sa aking mga panaginip. Siya nga at ang pagmamahal na nakalimutan ng aking isip ngunit hindi ng aking puso.
"Akala ko ba iaabot mo lang ang payong? Bakit ba parang nag-eenjoy kang saktan ako?" tigib ng
