“DID YOU have a good time?”
Nilingon ni Charlotte si Clinton na nagmamaneho. Nasa daan sila pauwi sa apartment niya. “Oo naman,” sagot niya. “Ang saya ng kasalan nina Maki at Rob.” Ibinalik niya sa daan ang kanyang paningin pagkatapos. Hindi pa rin niya makalimutan ang sinabi nito habang nagsasayaw sila kanina.
“Are you sure? You don’t look good. Parang may kakaiba sa `yo kanina pa. Parang tumamlay ka. Parang pilit na lang ang mga ngiti mo.”
Bumaling uli siya rito at pilit na ngumiti. “I’m okay. Medyo napagod lang siguro ako kanina. Grabe naman kasi si TQ, parang nanghihigop ng energy.”
“Talaga?” naninigurong tanong nito.
“Opo. Ikaw, hindi ka pa ba pagod? Sana, ipinauwi mo na lang ako sa driver n’yo para hindi ka mahirapan. Uuwi ka pa niyan sa inyo.”
Wala na itong suot na coat at ma
