Dumaan pa ang mga araw.
Naghahanda si Marco sa pagpasok sa trabaho nang pumasok si Aling Marcia sa kanyang kwarto.
"Anak, mag-almusal ka muna. Sabi ng kapatid mo ay nagkape ka lang," nag-aalalang wika nito.
"'Nay, wala ho akong ganang kumain," tugon ng binata. Sinisipat nito ang sarili sa salamin kung bagay ba sa kanya ang bagong uniporme.
"Ha? Paano ka niyan magkakalakas para sa maghapon? Kailangan mong kumain kahit kaunti lang," wika pa ni Aling Marcia.
"'Nay, okay lang ako." Nilapitan niya ang ina at inakbayan. "Ganito na lang. Ipagluto ninyo ako mamayang gabi ng paborito kong ulam. Mamayang gabi, kakain ako ng marami. Promise!" aniya.
Walang nagawa si Aling Marcia, at lumabas na ito ng kwarto.
Napabuntong hininga si Marco. Ang totoo ay kinakabahan siya kaya parang walang
