"Kuya!" tawag kay Marco ng kapatid na si Marian. Tingin tingin ka rito. Marami ang hiring," anito sabay abot ng diyaryo kay Marco. "Huwag kang mag-alala Kuya, siguradong kaagad ka makakahanap ng trabaho. Isipin mo na lang na nagbabakasyon ka, at dapat sinusulit mo ang mga araw na kasama mo kami rito." Yumakap ito sa nakatatandang kapatid at inihilig ang ulo sa balikat ng kanyang kuya. "Ipagluluto mo kami araw-araw habang wala ka pang trabaho kasi na-mi-miss na namin ang mga luto mo dahil minsan na lang tayo magkakasama."
Ginulo ni Marco ang buhok ng kapatid. "Walang problema," aniya. Iniwan ni Marian ang diyaryo sa kanya.
Tiningnan niya ang diyaryo at umupo sabay higop ng mainit na kapeng idinulot sa kanya ni Marian. Kaagad na nakaagaw ng kanyang atensyon ang pangalan ng kompanyang pinap
