"ANO, Isay, okay na ba ang lahat?" tanong ni Gordon sa kasama na umasikaso sa bagong lilipatan ng kanilang boss.
"Okay na. Lahat ng kailangan ni Boss, andoon na," tugon ni Isay.
"Ayusin mo lang. Hindi lang dapat basta okay. Alam mo naman iyon si Boss, makakita lang ng kaunting hindi niya magustuhan ay malalagot tayo."
"'Wag kang mag-alala, siguradong magugustuhan ni Boss ang paghahandang ginawa natin. Magaling ang kinuha kong interior designer. Inilarawan ko ang ugali at mga gusto ni Boss sa kanya nang detalyado. At saka tiningnan ko na rin ang bahay kahapon. Walang duda, magugustuhan ni Boss."
"Ayusin mo lang talaga at nanlalamig na ang mga kamay ko," wika ni Gordon.
Kapwa sila napapitlag sa kinatatayuan nang marinig ang mga yabag ng kanilang amo. Yabag pa lang nito, nanginginig na
