Kabanata 13
"DANIEL!" Nilingon ko ang katrabahong tumawag sa akin sa may lobby ng Kings Publishing Company.
Hindi pa man ako nakakapag-swipe ng ID sa entrance ng employees section ay humarang na roon si Peter, ang bagong photo editor ng advertising team na dating pinamamahalaan ko ngunit ng dahil sa isang issue ay natanggal ako at napunta sa editorial department.
"Nabasa ko kagabi ang bago mong post article sa website ng Kings, tulad dati number one na naman sa most read ang sinulat mo tungkol sa nangyari kahapon kay Miss Meagan Valmadrid," aniya na hindi pa rin umaalis sa daraanan ko kaya wala akong nagawa kung hindi lagpasan siya.
Pero ang damuho, sinundan niya pa rin ako sa halos papasara ng elevator. Nakapaskil sa mga labi niya ang isang mapangutyang ngiti habang pinapasadahan ng
