Kabanata 12
AYOKO pa sanang magdilat ng mga mata kung hindi lang nakaririndi sa tainga ang ingay na nagmumula sa labas ng silid kung nasaan ako. Pero imbes na magalit ay napawi agad ang nararamdaman kong iritasyon nang mapagtanto na nasa kuwarto pa rin ako ni Mikhail hanggang ngayon.
Tiningnan ko ang relo na suot, alasdiyes na ng gabi. Napangiti ako nang bumangon. Hindi niya ako ginising at hinayaan lang matulog sa kama niya. Ngunit bago umalis, inamoy kong muli ang mabangong unan saka iyon inayos.
Dahan-dahan kong binuksan ang pinto at nakitang abala siya ngayon sa pagluluto. Nang makalabas ay malakas na tumikhim ako. "I'm hungry..." I said without looking at him. Napukaw kasi ng pansin ko ang nakalagay sa mesa na naluto ng pagkain.
"Ipinagluto ko na kayo ng makakain Miss Meg, mayama
