Kinabukasan ay maayos na ang pakiramdam ni Star at maaga siyang pumasok sa trabaho. Nagulat pa siya dahil nakapaligo at nakabihis na si Amy ng dumating siya. “Miss Amy, Good morning,” masaya niyang bati.
Ngumiti si Amy ng makita si Star. “Good morning,” sagot nito.
Natuwa si Star ng marinig ang sagot ni Amy. “Na-miss mo ako, Miss Amy?” Natigilan si Star ng humarap sa kanya si Amy at hinawakan nito ng dalawang kamay ang kanyang pisngi. “Are you okay?” malambing na tanong nito. Nakarehistro sa mukha nito ang pag-aalala.
Napangiti ang dalaga. Natuwa siya sa pag-aalalang nakita niya mula kay Amy. “Okay na ako, Miss Amy. Don’t worry,” wika niya. Inasikaso niya ang kanyang pasyente, inihanda niya ang pagkain nito at ang mga gamot. Pagkatapos niyang magligpit ay nagyaya si Amy na maglaro s
