Pagkatapos niyang kainin ang sandwich ay itinuloy niya ang ginagawa hanggang sa malinis na niya ang buong kuwarto. Nagulat siya ng makita niyang pumasok si Amy sa banyo at naligo. Kung dati-rati ay ipinapaalala niya sa babae ang paliligo pero ngayon sa kusa nitong ginawa. Natuwa siya at may magandang improvement siyang ibabalita kay Doc. Adrian.
Pero nawala din ang ngiti sa labi ng dalaga dahil kapag gumaling na si Amy ay makakalabas na ito at mapupunta na siya sa ibang destino. May kurot sa kanyang puso kapag naiisip niya na maghihiwalay sila. Siguro dahil lumaki siyang walang nanay kaya natutunan na niyang pahalagahan ang kanilang patient-nurse relationship. Bumalik sa isip ng dalaga ang bago niyang problema. Papaano niya babayaran sa loob ng dalawang taon ang ni-loan ng kanyang tiya
