Pauwi na si Star mula sa kanyang duty sa mental institution. Limang beses siyang magpapalipat-lipat ng sakay bago makarating ng Bulacan. Kumakalam na rin ang kanyang sikmura dahil sa gutom. Gusto sana niyang bumili ng fish ball at sa malamig pero nanghinayang siya. Sakto lamang ang kanyang budget na pera sa pamasahe at malayo pa ang susunod niyang sahod. Napabuntonghininga na lamang siya dahil pati sa NLEX ay traffic. Malamang may concert na namang nagaganap sa isang malaking arena. Mas ginabi pa siya ng uwi at tumindi ang gutom niya.
“Mano po, Mommy,” Bigay galang niya kay Rita na kanyang tiyahin.
“Bakit ngayon ka lang?” himig nagagalit na tanong sa kanya ng tiyahin.
Mas nanghina pa ang pakiramdam ni Star dahil sa tono ng pagbati sa kanya.“Napaka-traffic po kasi,” katwiran niya.
“Siya
