Ilang beses pang sinubukan ni Amalia na bumuo ng pamilya. Marami siyang nakarelasyon at lahat ay nauwi sa hiwalayan. Nang mamatay si Estella, ginawa niya ang lahat ng paraan para mapalapit kay Li at maging sa pamilya nito. Lihim niya itong minahal at sinamba uli. Noong first death anniversary ng asawa nito ay sinamantala niya ang kalungkutan ni Li at natupad ang pangarap niya. Ang makulong sa mga bisig at maangkin nito. Ngunit ito rin ang dahilan ng paglayo sa kanya ni Li. Halos mabaliw siya sa kakaisip sa lalaki. At nabuo ang isang pasya. Diniborsiyo niya ang huling asawa at umuwi ng Pilipinas para tuparin ang isang bagay na pinakamimithi. Ang magkaroon ng isang pamilya at matutupad iyon pag naging asawa siya ni Li at naging pangalawang ina ni Sam.
Subalit ang lahat ng kanya mithi ay hi
