Naglalakad si Jas palayo sa hotel. Walang dumadaang pampublikong sasakyan sa lugar. Naghintay siya ng taxi pero wala pa ring naliligaw. Nagpatuloy siya sa paglalakad at patuloy rin sa pagpatak ang mga luha niya. Nakaramdam siya ng pagkahapo. Bigla siyang napatigil sa paglalakad ng makaramdam siya ng pagkahilo at unti-unting umikot ang kanyang paligid.
Nakatitig si Li sa natutulog na nobya. Naabutan niya at ni Mang Delfin ito na naglalakad sa kalsada at muntik na itong bumagsak sa semento kung hindi niya nasalo. Malalim ang iniisip niya. Bakit umalis ang dalaga at bakit ito umiiyak? At si Amalia, nagkibit-balikat lamang ito ng tanungin niya kung nakita si Jas. Matagal na niyang nahahalatang hindi nito gusto si Jas. Masuyong hinalikan sa noo at niyakap ni Li ang nobya at natulog sa tabi nit
