Balik sa trabaho kinabukasan si Star. Kahit gaano man kabigat ang kanyang problema ay kailangan niyang pumasok at iwanan ito sa bahay.
Pagpasok niya sa kuwarto ni Amy ay nagulat siya. Napatakip siya ng bibig at parang gusto niyang maiyak. Isang nakangiting Amy ang sumalubong sa kanya at may hawak itong cake para sa kanya. “Happy birthday, Star,” bati nito.
“Maraming salamat, Miss Amy.” Tuluyan ng napaiyak ang dalaga. Dahil sa mga problema ay nakalimutan na niya pati birthday niya.
Matapos niyang hipan ang kandila ay nagpaalam muna siya kay Amy. Pupunta siya kay Doc Adrian para kunin ang panibagong gamot na ipapainom kay Amy.
Kahit galing sa pag-iyak ay pinasaya ni Star ang mukha ng bumungad sa klinika ng doktor. “Good morning, Doc Daddy.”
Napangiti ang doktor, “Good morning, Miss
